Congo: Ibitangazamakuru byahagaritse akazi.

Igiciro cya interineti muri congo cyazamuwe kuri 500% bituma ibitangazamakuru byinshi bihagarika imirimo yabyo

Ibinyamakuru bitari bike muri Repubulika iharanira Demukarasi ya Congo byahagaritse akazi mu rwego rwo kwamagana icyemezo cyo kuzamura ibiciro bya Interineti.

Itangazamakuru muri Repuburika iharanira Demukarasi ya Congo riravuga ko ryamagana izamuka ry’ibiciro bya Interineti ikoreshwa muri Telefoni igendanwa.

Bavuga ko bibangamira akazi kabo ndetse bikaba inzitizi ku burenganzira bwo kubona amakuru.

Telefoni zigendanwa ni zo zikoreshwa n’abantu benshi hifashishijwe ubuhanga bwa interineti muri iki gihugu.

BBC ivuga ko bimwe mu bigo by’itumanaho muri Congo byongeje igiciro cya interineti kugera kuri 500% mu kwezi gushize gusa.

Ishyirahamwe ry’abanyamakuru muri iki gihugu ryavuze ko icyabateye guhagarika akazi ari uko Leta yarenze ku mategeko yemerera umuntu wese kubona amakuru igahanika ibiciro bya interineti.

Yisangize Inshuti.

Ibitekerezo

Tanga Igitekerezo