Muri Congo-Brazaville havutse ishyaka rihuza amashyaka yose arwanya ubutegetsi

Kuri uyu wa 30 Nyakanga 2016 muri Congo Brazaville havutse umutwe wa politiki utavuga rumwe n’ubutegetsi witwa Rassemblement de l’Opposition Congolaise (ROC) ukaba uvuga ko ugiye kubona imbaraga biciye mu nzira ya demokarasi no guhuriza hamwe abatavuga rumwe n’ubutegetsi ibintu ibisa no kwigomeka ku butegetsi.

Ni nyuma yo gutsindwa ku mugambi wabo wo guhindura itegeko nshinga ndetse na manda ya gatatu ya Perezida Sassou-Nguesso.

Iyi mpuzamashyaka ya ROC igizwe n’amashyaka arenga 12 hamwe n’abayobozi b’imiryango itandukanye.

Iri shyaka ryashinzwe hakurikijwe amashyaka 21 atavuga rumwe n’ubutegetsi yavutse mu 1999.

Amakuru dukesha RFI aravuga ko umwe mu bayobozi ba ROC Mboussa-Ella yavuze ko iki ari igihe cyo kwibaza impamvu iyi mitwe ya politiki ifite ubutunzi bukomeye igakomeza gusiragira bikagera naho imigambi yayo irangira. Yakomeje avuga ko baba bakora politiki y’ivangura habaye hatarimo gushyira hamwe.

Mboussa yagize ati: “Ni ngomwa kwibaza ngo kubera iki iyi mitwe ya politiki ikomeje gusiragira bikagera n’aho imigambi yihaye irangira itagezweho? nkuko tubibona bakora politiki yuzuyemo ivangura kandi ikennye ugushyira hamwe.”

Umuyobozi wungirije wa ROC Paul-Marie Mpuélé na we yavuze ko ROC atari ishyaka gusa ko ahubwo rifite ingamba zihamye.

Paul-Marie Mpuélé yagize ati: “ ROC si ishyaka gusa kuko rifite ingamba zihamye twibanda ku byo dushaka tumenya inshingano dufite, ukuri ndetse no guharanira ubuyobozi tubungabunga ibyagezweho na Leta.”

ROC yavutse mu gihe cya mbere y’amatora aho ryari rikiri kwisuganya ngo rikore mu buryo buboneye gusa biravugwa ko irindi shyaka rya FROCAD (Front Républicain pour le Respect de l’Ordre Constitutionnel et l’Alternance Démocratique ) ritari muri iyi mpuzamashyaka rikaba ryaragize uruhare rukomeye mu gushaka ko hahindurwa itegeko nshinga riri kurangwamo ukutumvikana gukabije aho benshi bagiye bavuga ko ryaba riri mu marembera.

Yisangize Inshuti.

Ibitekerezo

Tanga Igitekerezo