Clinton yongeye gutsinda Trump mu kiganiro mpaka cya kabiri

2

Hillary Clinton, umukandida w’umu Demukarate yaraye atsinze Donald Trump bahanganye mu matora ya Perezida wa Leta zunze ubumwe za Amerika mu kiganiro mpaka cyabahuje kuri uyu wa 9 Ukwakira 2016

Kuri iki cyumweru Donald Tump na Hillary Clinton bahanganiye kuyobora Leta zunze ubumwe za Amerika bongeye guhanganira mu kiganiro mpaka cya kabiri muri bitatu bagomba kugira mbere y’amatora ateganyijwe tariki 08 Ugushyingo 2016.

Muri iki kiganiro, Clinton yibasiye Trump amubwira ko adakwiye kuyobora Amerika nyuma y’amashusho aherutse kumugaraza ahohotera abagore mu mvugo yafatiwe amashusho muri 2005. Aya mashusho yafashwe Trump atabizi atungurwa no kugaragazwa kwayomu cyumweru gishize.

Kuri ibi hiyongeraho n’andi makosa yagiye amugaragaraho yo gutuka abagore ndetse no kunyereza imisoro.

Trump yahakanye ibyo kuba ahohotera ’abagore ashinja umugabo wa Hillary Clinton ( Bill Clinton) kuba ari we wabikoze ubwo yari ari ku butegetsi.

Hillary Clinton umu Demukarate uhanganye na Trump yanze kugira byinshi avuga ku byo Trump yavuze k’umugabo we ahubwo amwibutsa ayo mashusho aherutse gushyirwa hanze agaragaza imyitwarire itari myiza ya Trump. Clinton yavuze ko iyo ari imyitwarire idakwiye kuranga umuyobozi wa Leta zunze ubumwe za Amerika.

Clinton yabwiye Trump ko ayo mashusho agaragaza uwo Trump ari we nyakuri ari byo byanatumye bamwe mu bagize ishyaka rya Trump bamuzibukira.

Trump we yavuze ko naramuka atorewe kuyobora iki gihugu azashyiraho abashinjacyaha bashinja Clinton imikoreshereze mibi ya email y’akazi Clinton yakoresheje nabi ubwo yakoraga muri Perezidansi bigatuma amena amabanga y’igihugu maze agahita amufunga.

Yakomeje avuga ko Clinton afite urwango rukomeye mu mutima we ndetse ko yanga abantu bose bamushyigikiye. Kuri iyi ngingo, Clinton yamwamaganiye kure amubwira ko ari we wagaragaje urwango ubwo yavugaga ko azubaka inkuta zimutandukanya n’ibindi bihugu.

Abarwanashyaka 33 bakomeye ba Trump barimo aba senateri, abayoboke b’ishyaka rye n’aba guverineri batangaje ko batazamutora nyuma y’amashusho yagaragaje Trump akorakora abagore yashyizwe hanze kuri uyu wa gatanu.

Ikiganiro mpaka cya kabiri cyarangiye Clinton yongeye gutsinda Trump ku majwi 57%. Ni ubwa kabiri Clinton atsinze Trump mu kiganiro mpaka kuko no mu kiganiro mpaka cya mbere na bwo yaramutsinze.

Hasigaye ikiganiro mpaka kimwe kigomba kuba mbere y’amatora kizongera guhuza abakindida bombi bagahangana mu bitekerezo mbere yuko amatora aba.

Yisangize Inshuti.

Ibitekerezo 2

Tanga Igitekerezo