Centrafrique: Abantu 25 baguye mu mvururu zamaze iminsi ibiri

1

Abantu 25 bapfiriye mu mvururu zamaze iminsi ibiri muri Repubulika ya Centrafrique hagati y’umutwe w’abarwanyi wa Kisilamu uzwi ku izina rya Seleka n’uwabakirisitu witwa Anti-Balaka

Aya makuru yatangajwe n’ubuyobozi bw’Ingabo z’Umuryango w’Abibumbye ziri mu butumwa bwo kubungabunga amahoro muri Centrafrique (MINUSCA).

MINUSCA yatangaje ko abantu 15 baguye mu mirwano hagati ya Seleka na Anti-Balaka yabaye ku wa Kane w’iki cyumweru dusoza.

Ku wa Gatanu na bwo abandi 10 barimo abapolisi batandatu n’abasivili bane na bo baratezwe bakicwa nkuko yatangaje iyi nkuru BBC yabitangaje.

Imvururu zo ku wa Kane ngo zabereye mu Mujyi wa Bambari uherereye mu birometero 250 uvuye mu murwa mukuru Bangui.

Ubwicanyi bwo ku wa Gatanu bwo bwabereye ku muhanda uva Bambari werekeza ahitwa Grimari.

Imvururu zishingiye ku madini n’ubwoko muri Repubulika ya Centrafrique zatangiye muri Werurwe 2013, ubwo abarwanyi b’abayisilamu babarizwa mu mutwe wa Seleka bahirikaga ku butegetsi Perezida François Bozize w’umukirisitu.

Kuva icyo gihe Abakirisitu na bo bahise batangiza umutwe wa Anti-Balaka urwanya Seleka y’aba-Islam.

Mu minsi mike, umutwe wa Seleka na wo wakuwe ku butegetsi ndetse hanakomeza kuvuka imirwano hagati y’abayisilamu n’abakirisitu babarizwa muri iyo mitwe yombi.

Kuva muri 2013 ibihumbi by’abantu bamaze gupfa ndetse abandi bakuwe mu byabo.

Abantu bakomeje gupfa mu gihe muri iki gihugu hariyo ingabo za LONI 12,000 ziri mu butumwa bwo kubungabunga amahoro.

Yisangize Inshuti.

Ibitekerezo 1

Tanga Igitekerezo