Kwamamaza

MU MAHANGA

CID yagabweho igitero n’abarwanyi ba Al Shabaab

Yanditswe

kuya

na

Jean Louis Uwishyaka
CID yagabweho igitero n’abarwanyi ba Al Shabaab

Inyubako ikoreramo ibiro by’iperereza mu gihugu cya Somalia, kuri iki cyumweru tariki 31 Nyakanga 2016, byagabweho igitero n’abarwanyi b’umutwe wa Al Shabaab gihitana abantu bagera ku icyenda.

The Independent itangaza ko muri abo bantu icyenda baguye muri iki gitero ngo harimo abarwanyi b’uyu mutwe bagera kuri bane.

Al Shabaab yigambye iki gitero nyuma y’ibisasu bibiri byaturikiye mu modoka imbere y’urupangu rw’inyubako ikoreramo iki kigo cy’iperereza giherereye mu murwa mukuru Mogadishu.

Ali Hassan, umuyobozi wa polisi ikorera muri iki kigo yatangaje ko inzego z’umutekano zaburijemo iki gitero ndetse zinica abarwanyi b’uyu mutwe bageragezaga kwambura intwaro abashinzwe umutekano.

Abatuye hafi y’aho ibi bitero byabereye, batangaje ko babanje kumva ibisasu bibiri biturika mbere yuko hatangira imirwano y’amasasu yamaze hafi igice cy’isaha.

Amakuru aturuka muri iki gihugu aravuga ko imirambo y’abaturage bane yasanzwe mu muhanda hafi y’urukuta rw’iyi nyubako.

Nyuma y’ibi bitero, uyu mutwe wa Al Shabaab ubinyujije ku muvugizi wawo Abdiasis Abu Musab, yatangaje ko ari bo bagabye iki gitero avuga ko kugeza ubu bari kurwanira mu nyubako rwagati ya CID.

Iki gitero kandi kije gikurikira icyari cyabaye mu ntangiriro z’iki cyumweru dusoje, aho abarwanyi bawo bagabye igitero kuri Hoteli iri hafi y’ikibuga cy’indege I Mogadishu, igitero cyahitanye abagera kuri 13.

Abakurikiranira hafi ibibera muri iki gihugu, baraburira Somalia ngo ikaze umutekano bavuga ko uyu mutwe ushobora kuzongera ibitero mu gihe cyo kwiyamamaza mu matora y’umukuru w’igihugu, ibikorwa biteganyijwe muri Kanama uyu mwaka.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza