Kwamamaza

MU MAHANGA

Bwa mbere Trump na Putin bagiye guhura imbonankubone

Yanditswe

kuya

na

Editor1
Bwa mbere Trump na Putin bagiye guhura imbonankubone

Perezida Donald Trump na Vladimir Putin w’Uburusiya baraza guhura bwa mbere kuri uyu wa Gatanu imbonankubone.

Aba bayobozi bombi barahurira mu nama y’ibihugu 20 bikize ku isi (G20) irabera mu mujyi wa Haumberg mu Budage.

Iyi nama iritabirwa n’ibihugu 19 birimo Argentina, Australia, Brazil, Canada, China, Ubufaransa, Ubudage, Ubuhinde, Indonesia, Ubutaliyani, Ubuyapani, Mexico, Uburusiya, Saudi Arabia,Afurika y’Epfo, Koreya y’Epfo, Turukiya, Ubwongereza na Amerika ndetse n’Umuryango w’Ubumwe bw’Uburayi.

Iyi nama iraba yiga cyane cyane ku mihindagurikire y’ikirere ndetse n’ubucuruzi mpuzamahanga nkuko BBC yabitangaje.

Trump na Putin bavuzwe cyane mu bucuti bukomeye buvugwaho kuba bwarafashije Trump gutsinda amatora abifashijwemo n’Abarusiya.

Aba bayobozi bombi kandi bavuze ko bashaka kubyutsa umubano wangijwe n’ibirego bishinja Uburusiya kwivanga mu matora ya Amerika, ubwumvikane buke muri Siriya ndetse no muri Ukraine.

Hari amakuru avuga ko abo bayobozi bombi baraganora isaha imwe kuri iki gicamunsi, nubwo hari abandi bavuga ko baraganira iminota 30.

Nubwo baraza guhura, aba bayobozi bazwiho kutavuga rumwe ku ngingo zimwe na zimwe.Izo ngingo ni nk’aho Putin ashyigikiye amasezerano ya Paris yo kurengera ibidukikije, mu gihe Trump we n’igihugu cye yakivanyemo.Amerika ni kimwe mu bihugu byashyigikiye ko Uburusiya buhanwa kubera kwiyomekaho Intara ya Crimea, mu gihe Uburusiya bwo bwasabye kuvanirwaho ibyo bihano.

Amerika n ’Uburusiya byose biri mu ntambara zibera muri Siriya.Uburusiya bushyigikiye Leta ya Assad mu gihe Amerika ishyigikiye imitwe imurwanya.

IBITEKEREZO

  • Noel Yanditse:

    Numujyi wa kabiri witwa Hamburg .Mumjyaruguru.Ntambwo ari Haumberg

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza