Boko Haram yarekuye bamwe mu bakobwa yashimuse i Chibok

1

Leta ya Nigeria yatangaje ko umutwe wa Boko Haram warekuye abakobwa 21 mu barenga 270 yashimuse ku ishuri rya Chibok mu mwaka wa 2014.

Garba Shehu, Umuvugizi w’ibiro bya Perezida wa Nigeria yavuze ko iryo rekurwa ari umusaruro w’ibiganiro hagati ya Boko Haram n’inzego zitandukanye.

BBC yatangaje ko abakobwa barekuwe ubu bari mu maboko y’inzego zishinzwe umutekano.

Shehu yavuze ko kugirango abo bakobwa barekurwe byagizwemo uruhare na Loni, Umuryango wa Croix Rouge n’u Busuwisi.

Ishimutwa ry’abo bakobwa ryatumye abantu batandukanye ku isi babyamagana, basaba ko hakorwa ibishoboka byose abo bakobwa bakagarurwa.

Muri Gicurasi uyu mwaka, hatangajwe ko umwe muri abo bakobwa yaba yagarujwe.
Nigeria yavuze ko ibiganiro bikomeje ngo n’abandi bakobwa bagaruzwe.

Yisangize Inshuti.

Ibitekerezo 1

Tanga Igitekerezo