Besigye yavuze ko Museveni yari kuba umukinnyi mwiza wa filime

DR Kizza Besigye utavuga rumwe n’ubutegetsi muri Uganda yavuze ko Perezida Museveni akwiye igihembo cyo kubeshya, nyuma yo kugaragariza abaturage ko we adakunda ubuzima buhenze, nyamara ibikoresho akoresho bikaba nta na kimwe gikorerwa muri Uganda.

Ibi Besigye yabitangaje ubwo yaganiraga n’Abanya-uganda bo mu Buholandi.Yavuze ko bakiri Ku rugamba rwo kubohora Uganda, ngo Museveni yavugaga ko abayobozi bakwiye kubaho ubuzima bworoshye, nyamara ngo bamaze gutsinda siko byagenze.

Yagize ati" Iyo Museveni akurira ahantu hateye imbere aho bakina filime, yari kuba umukinnyi mwiza utwara ibikombe.Akubwira ikintu gihabanye n’icyo akora.Uko Niko yakunze kumera."

Yakomeje agira ati"Akigera Ku butegetsi yaravuze ati kuki twajya tugura ibikoresho byo mu nzu bivuye Iburayi kandi na hano iwacu bihaba?nyamara mu myaka 30 hose niwe muntu waguze ibikoresho byo mu nzu bihenze.

Yakpmeje avuga ibikoresho Museveni akoresha abivana mu mahanga bihenze kandi hari ibihendutse bikorerwa mu guhugu.

Besigye yahoze ari muganga wa Museveni, nyuma baza gushwana.Byahumiye Ku mirari guhera mu mwaka wa 2000, ubwo Besigye yahatanaga na Museveni mu matora.

Yisangize Inshuti.

Ibitekerezo

Tanga Igitekerezo