Bafunzwe bazira gukora imibonano mpuzabitsina inyuranye n’amategeko

2

Umusore ukomoka muri Afurika y’Epfo n’umukunzi we ukomoka muri Ukraine bafungiwe muri Leta Zunze Ubumwe za Abarabu (UAE), bazira gukora imibonano mpuzabitsina kandi batabyemerewe n’amategeko.

Ubusanzwe gukora imibonano mpuzabitsina muri icyo gihugu byemewe gusa iyo abayikora bashyingiranywe.

Emlyn Culverwell w’imyaka 29, n’umukunzi we Iryna Nohai w’imyaka 27, bavumbuwe ubwo Nohai yajyaga kwa muganga aribwa mu nda yagerayo muganga agasanga aratwite.

BBC yatangaje ko abo bakunzi bahise bafungwa, nyina w’umuhungu akajya gusaba imbabazi ngo bafungurwe, avuga ko ibyo bakoze ari amakosa ariko biba iby’ubusa.

Minisiteri y’ububanyi n’amahanga muri Afurika y’Epfo yatangaje ko ntacyo yakora kuko bafunzwe hakurikijwe amategeko yo mu gihugu imbere.Icyakora bagiriwe inama yo kwitabaza abanyamategeko.

Bivugwa ko abo bakunzi bafunzwe muri Mutarama uyu mwaka nubwo amakuru yasakaye muri iki cyumweru.

Culverwell yari amaze imyaka itanu akorera muri icyo gihugu. Bivugwa ko baramutse bahamwe n’icyaha bafungwa imyaka myinshi.

Yisangize Inshuti.

Ibitekerezo 2

  1. niko c mugisha did u ever hear any country which allow prostitution? aho baba bamamaje ibyaha . nanjye sinabatera amabuye ntawe bitabaho afite umubiri ark si uburenganzira bwabo. bababarire ntibazongera.

Tanga Igitekerezo