Abashinzwe umutekano wa Trump bikanze imbunda bamuhungisha igitaraganya (Videwo)

Umukandida w’umu Republicain mu matora ya Perezida wa Leta Zunze ubumwe za Amerika Donald Trump yakuwe igitaraganya aho yavugiraga imbwirwaruhame nyuma yo gukeka ko mu bantu bari bakurikiye imbwirwaruhame harimo umugizi wa nabi witwaje imbunda.

Ibi byabaye kuri uyu wa Gatandatu ubwo Donald Trump yari ari mu bikorwa bye byo kwiyamamariza umwanya wa Perezida wa Leta Zunze Ubumwe za Amerika muri Leta ya Nevada mu Mujyi wa Reno.

Abashinzwe umutekano bakuye Trump aho yavugiraga imbwirwaruhame nyuma yo kumva ijwi ry’umuntu wari mu bakurikiye imbwirwaruhame avuga ko afite imbunda ndetse hakumvikana n’undi muntu wasakuje avuga ko hari umuntu ufite imbunda mu kivunge cy’abantu bari aho.

Nyuma abashinzwe umutekano bakoze igenzura kugirango barebe niba koko iyo mbunda ihari ariko barayibura ariko bafata Austyn Crites w’imyaka 33 wari uteje akavuyo yigaragambya baramuboha.

Nyuma byaje kumenyekana ko uyu Crites ashyigikiye umu demucrates Hillary Clinton, uhanganye na Trump nyuma yo kugenzura urukuta rwe rwa Facebook ndetse binamenyekana ko asanzwe yigaragambya yamagana Trump nkuko Dail Mail yabitangaje.

Ukekwa yahise atwarwa igitaraganya ajya gufungwa ndetse ahaberaga iki gikorwa cyo kwiyamamaza hasesekara vuba vuba abapolisi benshi, abashinzwe umutekano w’abayobozi bakuru (Secret Service agents), abagize umutwe wihariye mu gukoresha intwaro, SWAT, n’abandi bashinzwe umutekano barindira Trump umutekano avuga imbwirwaruhame ye arayirangiza.

Kanda hano urebe videwo igaragaza uburyo Trump yatwawe igitaraganya

Yisangize Inshuti.

Ibitekerezo

Tanga Igitekerezo