Abarwanyi 250 ba Leta ya kisilamu baguye mu bitero by’ingabo za Iraq

Abarwanyi ba Leta ya Kisilamu (Islamic State) bagera kuri 250 bapfiriye mu bitero by’indege byagabwe n’ingabo za Iraq ubwo zari mu ntambara yo kwigarurira umujyi wa Fallujah nkuko impande zombi zibyemeza.

Ibitero by’indege byagabwe ku modoka 40 z’ingabo za Leta ya kisilamu (Islamic State) mu majyapfo y’umujyi wa Fallujah, ubwo ingabo za Iraq zari ziri mu ntambara yo kwigarurira uyu mujyi ngo byasize bihitanye inyeshyamba za Islamic State zigera kuri 250.

Ingabo za Siriya na zo ngo zakoze ibishoboka byose zongera kwigarurira imigi iri hafi ya Iraq yari yarakuweho imipaka n’aba barwanyi kugira ngo bajye bakora ubwikorezi bwabo nta nkomyi mu cyo bise “caliphate: ubutegetsi bwa kisilamu” y’ibihugu bibiri.

Ikinyamakuru Ijwi rya Amerika dukesha iyi nkuru, kiravuga ko nyuma yo gufata uyu mujyi Iraq izahita ikurikizaho gufata n’uwa Mosul ufatwa nk’uwa kabiri munini mu mujyi izi nyeshyamba zigaruriye.

Mu byumweru bishize, ibiro by’ubutasi bya Amerika byari byavuze ko abarwanyi ba Leta ya kisilamu basigaranye intege nke cyane nubwo zigenda zigaba ibitero hirya no hino.

Yisangize Inshuti.

Ibitekerezo

Tanga Igitekerezo