Abagera kuri 29 ni bo baguye mu mirwano yabereye muri Syria

Nibura abarwanyi 29 nibo baguye mu mirwano y’abarwanya guverinoma ya Syria hafi y’umuhanda werekeza mu majyaruguru y’umujyi wa Aleppo.

Amakuru dukesha Xinhua aravuga ko agatsiko k’abantu bo mu mutwe wa Al-Qaida bihuje na Nusra Front biciwe mu gitero bagabye ubwo bashakaga kwigabiza umuhanda uherereye mu majyaruguru y’umujyi wa Aleppo nyuma leta ya Syria ikaburizamo icyo gitero.

Nusra Front kuri uyu wa gatandatu yongeye gutangaza ko yitegura ikindi gitero gitegura kongera kwisubiza umuhanda wa Castello umuhanda uhuza agace izi ndwanyi ziherereyemo mu majyaruguru y’icyaro cya Aleppo ndetse n’agace ziherereyemo k’umujyi wa Aleppo.

Iri tanganzo rije nyuma yaho abasirikare b’iki gihugu bahosheje iki gitero kuri uyu wa Kane nyuma y’igihe kirekire bamaze bahanganye.

Umujyi wa Aleppo uherereye hafi n’umupaka wa Turkey, akaba ariwo mujyi munini wa Syria uzwiho kugira ubukungu bwihariye, wagiye wibasirwa n’intambara hagati y’igisirikare cya Syria n’iyi mitwe yitwaje intwaro.

Mu mpeshyi y’umwaka wa 2012 ibihumbi n’ibihumbi by’indwanyi bateye abaturage bo duce twa Aleppo bigabiza imwe mu mitungo ya guverinoma ya Syria aha iyi guverinoma ikaba yarashinjaga igihugu cya Turukiya gufasha iyi mitwe yitwaje intwaro mu gushaka inyungu muri uyu mujyi.

Aba barwanyi bitwaje intwaro bafashe uturere twinshi tw’umujyi wa Aleppo ndetse batangira no kugenda bafata bimwe mu bice bya leta ya Syria ifite mu burengerazuba bw’iki gihugu.

Iyi mitwe kandi yashyize ikicaro cyayo mu burengerazuba bwa Aleppo nyuma yo gufunga umuhanda wageraga muri uyu mujyi muri 2014 gusa iki cyicaro cyaje gusenywa n’igisirikare cya Syria ku bufatanye na Hezbollah.

Abahanga mu bya gisirikare bavuga ko impamvu igisirikare cya Syria kiri kurwanya iyi mitwe ari ukugira ngo iyi mitwe yamburwe uduce twa Aleppo yigaruriye ndetse inamburwe intwaro.

Indi mpamvu ni ugusigasira umutekano w’igihugu no gukumira udutsiko tw’aba barwanyi, kongera gufunga umuhanda uhuza Aleppo n’inkengero za Syria kimwe n’izindi ntara ziherereye hagati mu gihugu no mu majyepfo yacyo.

Na none abahanga bavuga ko igisirikare cya Syria kigamije kwigarurira uduce tw’amajyaruguru n’amajyepfo ya Aleppo aharebana n’aho igihugu cya Turikiya kigiye kubaka ikigo gishinzwe umutekano mu majyaruguru ya Syria.

Yisangize Inshuti.

Ibitekerezo

Tanga Igitekerezo