Warning: imagejpeg(local/cache-gd2/1b0445a5bfb765f784f61b2001acff9a.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Abadepite ba EU bashwanye benda gufatana mu mashati bapfa u Bwongereza .|. Makuruki.rw | Amakuru Asesenguye!

Abadepite ba EU bashwanye benda gufatana mu mashati bapfa u Bwongereza

1

Abagize Inteko Ishinga Amategeko y’Umuryango w’Ubumwe bw’u Burayi, ntibumvikanye nyuma yo kujya impaka ndende hafi gufatana mu mashati ku cyemezo igihugu cy’u Bwongereza giheruka gufata cyo kwivana muri uyo muryango.

Nk’uko BBc ibitangaza, kuri uyu wa kabiri tariki ya 28 Kamena 2016 aba badepite bagize inteko ishinga amategeko ya EU bari bahuriye mu biganiro byo gutegura inama izabahuza na Minisitiri w’intebe w’u Bwongereza.

Mu kiganiro cyabereye i Brussel mu Bubiligi, Nigel Farage, umudepite uyobora ubwigenge bw’u Bwongereza yibasiwe n’abadepite bagize uyu muryango bamubaza impamvu yashishikarije abaturage b’u Bwongereza gutora kuva mu muryango w’ibihugu bigize ubumwe bw’Uburayi.

Jean-Claude Juncker Perezida wa Komisiyo y’uyu muyango ni we wabanjirije bagenzi be mu guhata ibibazo uyu wari uhagarariye u Bwongereza aho bamubazaga impamvu ari muri iriya nama kandi ari umwe mubaharaniye ko u Bwongereza buva mu muryango w’Ubumwe bw’ibihugu by’Uburayi.

Jean claude yagize ati”nyakubahwa uri umwe mu baharaniye ko u Bwongereza buva muri uyu muryango binyuze mu matora, none urakora iki hano?”

Mu gihe atarasubiza, Nuttal wari wabonye Farage akoma mu mashyi (ubwo bari bavuze ko ari uburenganzira bw’abongereza kuva muri uyu muryango) maze agira ati”wakoma mu mashyi wagira ute umenye ko ari inshuro ya nyuma ukoma amashyi wicaye hano.”

Ikindi bashinjije uyu mwongereza ni ukugenda asebya uyu muryango akoresha ukuri yihimbiye awubeshyera avuga ibinyoma ku ikoreshwa ry’umusanzu w’u Bwongereza muri EU mu gutera inkunga ibijyanye n’ubuzima mu Bwongereza.

Bakomeje guterana amagambo maze uburakari bufata indi ntera bigera aho umwe mu badepite avuga ko igihe cyo kubembereza batwara ibintu gahoro byarangiye ahubwo ategeka Farage gusaba imbabazi abongereza kuko yabahemukiye.

Mu kubasubiza Farage yababwiye ko ibyo byo gusaba imbabazi atabikora kuko ibyo ari nko gutesha agaciro ibikorwa by’abongereza ahubwo ababwira ko iki ari ikimenyetso cyiza ku bantu bakunda Demokarasi ku mugabane w’Uburayi ndetse anashimangira ko mu minsi mike n’ibindi bihugu bizafata inzira nki y’u Bwongereza.

Ku wa kabiri w’icyumweru cyashize tariki ya 23 Kamena 2016 ni bwo abongereza binyuze mu matora ya karampaka batoye ko iki gihugu kiva mu muryango w’ubumwe bw’ibihugu by’Uburayi maze abagera kuri 51,9% bemeza ko iki gihugu kivamo.

Yisangize Inshuti.

Ibitekerezo 1

  1. Inkuru irangiye nabi aya matora ntiyabaye kuwa kabiri tariki ya 21 yabaye kuwa kane tariki 23. Amajwi yavuyemo nayo wari kwandika 52% (51.9) aho kuba 51.

Tanga Igitekerezo