Abantu 400 biciwe mu myigaragambyo yo kwamagana Leta

1

Aba Oromo batuye mu gace kitwa Oromia muri Etiyopiya bari mu myigaragambyo yo kwamagana Leta

Abashinzwe umutekano muri Etiyopiya bishe abantu barenga 400 mu bari mu myigaragambyo yo kwamagana Leta, nkuko bivugwa n’umuryango mpuzamahanga wita ku burenganzira bwa muntu (HRW).

Mu cyegeranyo kivuga ku myigaragambyo yakozwe n’aba Oromo bo muri Etiyopiya HRW ifite urutonde rw’amazina arenga 300 bavuga ko biciwe mu myigaragambyo yo kwamagana Leta.

Leta yemera ko hari abari mu myigaragambyo bapfuye ariko ikavuga ko HRW ikabya mu mibare itanga.

Abari mu myigaragambyo barabiterwa nuko bafite ubwoba ko umugambi wa Leta wo kwagurira umurwa w’iki gihugu (Adis Abeba) mu karere ka Oromia ushobora gutuma aborozi b’aba Oromo bimurwa.

Oromia ni akarere kanini ko mu gihugu cya Etiyopiya kazengurutse umujyi wa Addis Abeba.

Gukura amaso kuri uwo mugambi ntibyatumye imyigaragambyo ihagarara, ariko yaracogoye.

Iperereza ryakozwe rigasohoka mu cyumweru gishize na komisiyo y’uburenganzira bwa muntu muri Etiyopiya, yari yashyizweho n’inteko ishinga amategeko, yasanze abantu 173 ari bo bapfiriye muri iyo myigaragambyo.

Iyo komisiyo ivuga ko muri bo harimo abashinzwe umutekano 28 hanwe n’abashinzwe intwaro ku rwego rwo hasi nkuko BBC yabitangtaje.

Minisitiri w’itangazamakuru Getachew Reda yavuze ko muri rusange inzego z’umutekano zabyitwayemo neza.

Leta ivuga ko izakora iperereza igahana abo icyaha kizahama, ariko hari abanenga uko abatunzwe agatoki mu kubangamira uburenganzira bwa muntu mu maperereza aheruka batigeze bakurikiranwa.

Yisangize Inshuti.

Ibitekerezo 1

Tanga Igitekerezo