Ubushinwa:Abanyarwanda biga mu mujyi wa Shenyang bibutse Jenoside, basabwa kuba urumuri mu banyamahanga

Mu gihe abanyarwanda mu Rwanda ndetse no hanze yarwo biibuka Jenoside yakorewe Abatutsi, kuri iki cyuweru tarikiya 9 Mata 2017, abanyenshuri b’abanyarwanda biga mu makaminuza aherereye mu mugi wa Shenyang mu Bushinwa nabo bifatanyije kwibuka Jenoside yakorewe Abatutsi.

Shenyang ni umugi uri mu majyaruguru ashyira iburasirazuba bw’igihugu cy’Ubushinwa, ukaba uherereye mu ntara ya Liaoning.

Umuhango wo kwibuka watangiriye muri Kiliziyaya y’abagatolika ya Shenyang, ahabereye umuhango wo gusabira abazize Jenoside yakorewe Abatutsi no gusengera abanyarwanda.

Ikiganiro ku mateka ya Jenoside cyatanzwe na Ishimwe Prince, umunyeshuri mu cyiciro cya gatatu cya Kaminuza mu bijyanye n’ikoranabuhanga, yasobanuye amateka y’u Rwanda kuva mu gihe cya mbere y’ubukoroni kugeza aho u Rwanda rugeze ubu.

Yasabye abanyeshuri kwigira ku mateka mabi yabaye mu bihe byashize, barwanya ingengabitekerezo ya Jenoside , kandi bashyigikira ibyiza u Rwanda rumaze kugeraho barangajwe imbere n’ubuyobozi bwiza buyobowe na Perezida wa Paul Kagame.

Alain Patrick Mutabazi , umunyeshuri wiga ubuganga akaba n’umuyobozi wa Diaspora ya Shenyang ni we wacanye urumuri rw’icyizere, asaba abanyeshuri b’abanyarwanda kubera urumuri bagenzi babo bava mu bindi bihugu.

Yabasabye kuba aba mbere mu kurwanya ingengabitekerezo ya Jenoside, ndetse no kwiga cyane kuko abanyarwanda babatezeho byinshi nyuma yo guhaha ubumenyi mu mahanga.

Ubusanzwe Umuhango nyamukuru wo kwibuka mu gihugu cy’Ubushinwa wabereye kuri ambasadey’u Rwanda i Beijing, ariko abanyarwanda batuye mu yindi mijyi nabo bemerewe kwibukira aho batuye .


Habanje igitambo cya misa

Ishimwe Prince atanga ikiganiro ku mateka y’u Rwanda

Umuyobozi wa diaspora ya Shenyang


Hacanywe umuri rw’icyizere

Yisangize Inshuti.

Ibitekerezo

Tanga Igitekerezo