Warning: imagejpeg(local/cache-vignettes/L463xH310/arton14628-eb96d.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Nyamirambo:Arifuza imibiri y’abantu be itabye mu nzu y’umuntu bivugwa ko afite amagini .|. Makuruki.rw | Amakuru Asesenguye!

Nyamirambo:Arifuza imibiri y’abantu be itabye mu nzu y’umuntu bivugwa ko afite amagini

Dusabemariya Fridausi, utuye mu murenge wa Nyamirambo, kagali ka Rugarama, arasaba ubuyobozi bw’Akarere ka Nyarugenge gukurikirana ikibazo cy’imibiri y’abantu be bishwe muri Jenoside yakorewe Abatutsi, nyamara na n’ubu ikaba itaraboneka ngo kuko aho bakeka ko yahambwe hatuye umuntu ufite amagini.

Dusaberamariya avuga ko icyo kibazo kimaze imyaka 23 bagikurikirana, icyakora ngo inzego zose bakigejejeho nta gisubizo zabahaye.

Kuri uyu wa Gatatu tariki 26 Mata 2017 ubwo abajyanama b’umujyi wa Kigali basuraga uwo murenge muri gahunda y’icyumweru cy’ubujyanama mu mujyi wa Kigali, bijeje Dusabemariya ko bagiye gukurikirana icyo kibazo.

Asobanura ikibazo cye, Dusabemariya yagize ati “Ni ikibazo tumaranye imyaka 23 yose kuva Jenoside yakorwa.Twagize ibibazo muri Jenoside abantu bacu barabica, umuntu wabicishije arahari ntaho yagiye ndetse abubakiraho.Ni ikibazo kizwi n’inzego zose ariko ikintu kibabaje, bagiye gucukura , babonamo firigo n’imyenda ahari bari no kuza kugera ku mibiri, executif arabihagarika, aravuga ngo tuzagaruka kureba iyo mibiri , ntabwo yongeye kugaruka.Yabihagaritse ngo kuko imvura iguye, hashize nk’imyaka ibiri babihagaritse.”

N’ikiniga uyu mugore yakome eagira ati “Twakomeje kubikurikirana kugeza iki gihe,ejo bundi twagiye kwibuka muri Gitega, mbaza uwa IBUKA arambwira ngo inzego zose zirakizi, mubaza igisubizo cyabyo ati uriya mudamu afite amagini, nti ese ayo magini niyo twakubakiraho kugirango uwo mudamu akomeze kuryamana hejuru y’abantu bacu?aravuga ngo muzandikire akarere gatange uburenganzira. None bayobozi, ntimwadufasha akaduha imibiri yacu?”

Yavuze ko bafite umubyeyi ushaje, ngo nibura iyaba yapfaga ashyinguye abana be bishwe muri Jenoside.

Ati “Dufite umubyeyi wacu ushaje cyane, ni umukecuru ababajwe nuko agiye gupfa adashyinguye abana be.”

Bamwe mu bajyana b’Akarere ka Nyarugenge bari baje kumva ibibazo by’abaturage, bijeje Dusabemariya kumukorera ubuvugizi, cyane cyane baganira n’inzego zose bireba, iyo mibiri ikaboneka igashyingurwa mu cyubahiro.


Dusabemariya asobanura ikibazo cye

Abatuye Nyamirambo bari baje kuganira n’abajyanama b’Akarere

Abajyanama b’Akarere bijeje Dusabemariya ko bagiye gukurikirana ikibazo cye

Yisangize Inshuti.

Ibitekerezo

Tanga Igitekerezo