Ishuri rya Hamdan Bin Rashid ryibutse abazize genocide yakorewe abatutsi

Ikigo cy’amashuri cya cya Hamdan Bin Rashid giherereye mu mu murenge wa Kigarama mu Kagali ka Nyarurama mu mudugudu wa Zuba ku munsi w’ejo tariki ya 29 Gicurasi kibutse abazize Genocide yakorewe abatutsi mu Rwanda mu mwaka 1994.

Uyu muhango ukaba watangijwe n’urugendo rwo kwibuka rwakozwe na bamwe mu bayobozi bakuru bo mu karere ka Kicukiro by’umwihariko abafite uburezi mu nshingano z’abo ndetse n’ubuyobozi bukuru bw’ikigo cya Hamdan Bin Rashin n’abanyeshuri muri rusange.

Mu biganiro byatanzwe muri uyu muhango bikaba byibanze mu gukangurira abanyeshuri ndetse n’urubyiruko rw’u Rwanda muri rusange kwimakaza umuco w’amahoro n’ubwiyunjye, ndetse banibutswa ko imbaraga nyinshi zabakoze jenoside yakorewe abatutsi zari zikubiwe n’urubyiruko rw’icyo gihe. Bityo rero ngo hakaba ari ahabo ho gukosora isura mbi bagenzi babo bariho muri icyo gihe basize igihugu, bakabikora barwanya ingengabitekerezo ya jenoside bashyigikira ibyiza u Rwanda rumaze kugeraho.

Umuyobozi mukuru w’iki kigo Safari Valens yavuze ko n’ubwo iki kigo ari ku nshuro ya mbere kibutse jenoside yakorewe abatutsi ku rwego rw’ishuri ariko ko bo mu kigo cy’abo n’ubundi bafite isomo ritangwa buri kwezi rigamije gusobanurira abana biga muri icyo kigo ububi bwa jenoside ndetse n’ingaruka z’ayo ndetse no kwirinda aba nashuka bagerageza kubashyiramo ingengabitekerezo yayo.

Abana b’abanyeshuri barererwa muri iki kigo n’abo bakaba batanze ubutumwa bw’abo binyuze mu ndirimbo aho bagarukaga cyane ku gushimangira ko jenocide itazongera kubaho ukundi mu banyarwanda.

Alphonse Marie Nzabahabwa uhagarariye Uburezi mu murenge wa Kigarama
ari nawe wari mushyitsi mukuru muri uwo muhango aganira n’itangazamakuru akaba yaritangarije ko iyo abanyeshuri bigishijwe neza ariyo soko y’ubuyobozi bwiza bw’ejo hazaza
yagize ati "iyo ufite ubanyeshuri beza uba wizeye kuzagira abayobozi beza barimbere ,tugomba kubigisha indanga gaciro tukabigisha amateka bakamenya ibibazo igihugu cyaciyemo kugirango ubumenyi biga mu ishuri babuhuze n’indanga gaciro hagamijwe kugira urubyiruko rufite ubumenyi buvanze n’uburere."




Ishuri rya Hamdan Bin Rashid ryibutse abazize jenoside yakorewe Abatutsi

Yisangize Inshuti.

Ibitekerezo

Tanga Igitekerezo