Kwamamaza

KWIBUKA 23

Amwe mu magambo yo munyandiko za Gitera wazanye ingengabitekerezo ya jenoside mu Rwanda bwa mbere

Yanditswe

kuya

na

Alexis Musabirema
Amwe mu magambo yo munyandiko za Gitera wazanye ingengabitekerezo ya jenoside mu Rwanda bwa mbere

Dr Bizimana Jean Damascene yagaragaje Habyarimana Yozefu bitaga Gitera nk’umuntu wa mbere watangije ingengabitekerezo ya jenoside mu Rwanda ndetse anagaragaza amwe mu magambo akubiye mu nyandiko ziwe zahembereye jenoside.

Dr Bizimana Jean Damascene umunyamabanga wa CNLG mu kiganiro yatangiye I Ruhanga mu murenge wa Rusororo ku Karare ka Gasabo ubwo bibukukaga ku nshuro ya 23 abazize jenoside yakorewe abatusti muri uwo murenge nindi iwukikije yavuze ko ingengebitekerezo yigishijwe igihe kini ari nayo mpamvu bizafata ikindi gihe kinini kugirango irandurwe burundu mu banyarwanda.

Yifashishije inyandiko za Gitera zo mu myaka yo ha mbere yavuze ko ariwe muntu wa mbere watangije kwigisha ingengabitekerezo ya jenoside mu Rwanda muri mitingi yakoreye I Butare I Ngoma.

Dr Bizimana yagize ati :”Kuva ku itariki 25/9/1959 Yozefu Habyarimana(Gitera) muri mitingi yakoreye I Ngoma I Butare niho yatangirije bwa mbere iyo ngengabitekerezo ya jenoside yo kwigisha icyo yise amategeko 10 y’abahutu kuva Gitera yatangiza nta bucamanza bwigeze bumuhana byatangiye bityo bishyirwa muri gahunda ya leta.”

Dr Bizimana avuga ko iyi mitingi yayikoranaga n’abarwanashyaka b’ishyaka rye rya Parmehutu.

Dr Bizimana avuga ko Gitera atahagarariye aho ahubwo ngo yahise asohora indi nyandiko mu kinyamakuru kitwaga Ijwi rya rubanda rugufi cyo ku itariki ya 27/9/1959.

Yavuze ko iyi nyandiko yari yuzuye ubugome bwinshi , asoba kamwe muduce twari tugize iyo nyandiko. Yavuze ko yitwaga “Umunsi mukuru w’ibihorwa ry’abahutu ku ngoyi y’ubuja bw’abatutsi mu Rwanda” .

Dr Bizimana avuga ko iyi nyandiko yari yuzuye ubugome cyane ati :”ni inyandiko mbi cyane irimo urwango ruteye ubwoba aho gitera yigisha ko abatutsi ari ibirura, akabita ababisha , akabita abanzi, akabita ababuramana badakwiye kubana n’abahutu . Kimwe mu byo avuga ndafata agace gato cyane bishobore kuvumvisha ubwo bukana bw’ingengabitekerezo ya jenoside yigishijwe abanyuarwanda.

Gitera arandika ngo ‘Batutsi ba Gatautsi u Rwanda rwose rurabanze , batutsi ba gatutsi muratarataza ay’ubusa mugiye guhorwa ni mugende rwiza . batutsi ba gatutsi murashaka kwigenga nimwigenge ukwanyu abahutu bazigenga ukwabo muri aba komunisite(communist) muri ababuramana abahutu tuzakomeza iyacu. Batutsi ba gatutsi kuva ubu duciye ukwacu ni muce ukwanyu ntituvanze turavanguye nimugende rwiza.”
Dr Bizimana avuga ko izi nyandiko za Gitera zakomeje guhembera ingebitekerezo ya jenoside ndetse zigakurikirwa n’iza Kayibanda Gregoire wanabaye perezida w’u Rwanda.


Dr Bizimana, ari kumwe n’umuyobozi w’umujyi wa Kigali n’umuyobozi w’inteko umutwe w’abadepite bitabiriye kwibuka i Ruhanga.

Aha Ruhanga mu murenge wa Rusororo uyu muyobozi yatangiye ikiganiro ni hamwe muduce abatutsi bishwe batatsembwa. Muri paruwasi y’abankgirikani yari ihari abatutsi bari barimo batwikiwemo abagera ku bihumbi 25 bahiramo bose barapfa.

Iyi paruwasi jenoside ikirangira yahise ihindurwa urwibutso ikaba ariyo ishyinguyemo abatusti barenga ibihumbi 36 by’imibiri yabazize jenoside muri aka gace no munkengero zako.

Uyu munsi kandi hanashyinguwe imibiri y’abantu 52 harimo 13 igiye gushyingurwa bwa mbere kuko aribwo ikiboneka.

Hashyinguwe imibiri igera kuri 52

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza