Kwamamaza

KWIBUKA 23

Abashinzwe imibereho myiza mu mirenge y’u Rwanda basuye u rwibutso rwa Murambi banaremera imiryango yarokotse

Yanditswe

kuya

na

Alexis Musabirema
Abashinzwe imibereho myiza mu mirenge y’u Rwanda basuye u rwibutso rwa Murambi banaremera imiryango yarokotse

Kuri uyu wa 1/7/2017 abayobozi bashinzwe imibereho myiza y’abaturage mu mirenge ku rwego rw’igihugu basuye urwibutso rwa jenoside yakorewe abatutsi rw’I Nyamagabe rwa Murambi bunamira abahashyinguye ndetse banaremera imiryango itanu yarokotse jenoside.

Aba bayobozi bibumbiye mu ihuriro ASOC Rwanda rikaba rigizwe n’abayobozi bashinzwe imibereho myiza mu mirenge yose mu gihugu.

Bamwe mubaremewe babwiye Makuruki ko bishimiye iki gikorwa kandi ko kigaragaza ko n’ubwo bagwiriwe n’amahano ya jenoside ariko bafite ababazirikana.

Nshimiyimana Justin umwe mu baremewe yagize ati:”Ndabashimiye ko ibyago twagize mu gihugu cyose ko mutuzirikanye bitwereka y’uko n’igihe cyose mwatwibukaga ari nayo mpamvu mwishyize hamwe mukaza kudusura ndetse mukatuzanira n’ibyo kurya mbese mu izina rya bagenzi bacu ubu turabasabira ku mana.”


Abagize ASOC basobanuriwe amateka y’u rwibutso na jenoside yabereye aha i Murambi

Bimenyimana Pierre Celestin umuyobozi wa ASOC Rwanda avuga ko ibi bikorwa byo gusura urwibutso bituma basobanukirwa amateka ya jenoside ari nayo bagomba kwigisha abaturage babo.

Ati :”Twateguye iki gikorwa mu rwego rwo kugirango tugire ubumenyi buhagije kuri jenoside yakorewe abatutsi 1994 tujye tubisobanurira umunsi ku wundi abaturage tuyobora ari ibintu dusobanukiwe neza ndetse bikaba bizanadufasha gukomeza kurwanya ingebitekerezo ya jenoside ndetse n’ibindi bitekerezo bigamije guhakana no gupfobya jenoside yakorewe abatutsi.”

Umuyobozi w’umurenge wa Gasaka uherereyemo uru rwibutso Bayiringire Jean yashimiye abagize iri huriro rya ASOC Rwanda iki gikorwa batekereje ndetse bakanazirikana kwita ku miryango yarokotse jenoside itishoboye ariko kandi anabashimira kuba aribo bahize abandi bayobozi mu kwihuriza hamwe kandi ihuriro ryabo bakaribyaza umusaruro.

Inkunga yahawe iyi miryango itishoboye harimo ibiribwa nk’ umuceri, akawunga, ibishyimbo, amavuta yo guteka, amasabune n’ibindi.

Abarokotse jenoside batishoboye baremewe na ASOC

ASOC Rwanda imaze imyaka ibiri ibayeho igamije guhuriza hamwe abayobozi bashinzwe imibereho myiza y’abaturage mu mirenge kugirango barusheho kwihutisha imibereho myiza y’abanyarwanda.

Uretse iki gikorwa imaze no gukora ibindi bikorwa harimo no gufasha abahuye n’ibiza mu karere ka Gakenke mu mwaka wa 2015. Guhuza abana n’imiryango yabo ndetse n’ibikorwa nk’ibi byo gusura inzibutso no kuremera imiryango yarokotse jenoside.

IBITEKEREZO

  • Nsanzamahoro Yanditse:

    Aba bayobozi bazi icyo bakora. Iyi ni intambwe
    ikomeye mu kazi.Bafite akazi kenshi ariko kwihuza bizabafasha kukanoza

  • Semahoro G.Theopiste Yanditse:

    Mwakoze neza gusa nuko mwatanze ibintu bihita birangirira mukanya gato. Mubamwaguze inks nubwo zaba 2, zabyara zikorozwa abandi zkkagumaho. Ibiryo koko nisabune!!!

  • Semahoro G.Theopiste Yanditse:

    Mwakoze neza gusa nuko mwatanze ibintu bihita birangirira mukanya gato. Mubamwaguze inks nubwo zaba 2, zabyara zikorozwa abandi zkkagumaho. Ibiryo koko nisabune!!!

  • kayitare Yanditse:

    Aba bantu barasobanutse nubwo bagira akazi kenshi ariko bazi icyo igihugu kibategerejeho

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza