Kwamamaza

Imyidagaduro

Umuhanzi Jaguar yasabye imbabazi nyuma yo kurwanira mu nteko ishinga amategeko

Yanditswe

kuya

na

Jean Paul Niyitanga
Umuhanzi Jaguar yasabye imbabazi nyuma yo kurwanira mu nteko ishinga amategeko

Depite Charles Njagua uzwi cyane mu muziki nka Jaguar yasabye imbabazi abaturage ahagarariye kubw’ikosa ryo kurwana na mugenzi we witwa Paul Ongili bakunze kwita Babu Owino bari mu nteko ishinga amategeko.

Aba badepite barwanye kuri uyu wa 10 Ukwakira biturutse ku kutumvikana kuri raporo y’impinduka zakozwe ku itegeko rigenga amatora muri Kenya.

Ibi byaviriyemo aba bombi gushyamirana ndetse baza no kurwana baterana ibipfunsi mu nteko ishinga amategeko bakizwa n’abashinzwe umutekono w’inteko.

Jaguar ukomoka mu ishyaka rya Jubilee riri ku butegetsi nyuma yo kumva uburemere bw’ikosa rye yasabye imbabazi agira ati: "Ndasha gusaba imbabazi rubanda n’abaturage ba Starehe (ahagarariye) ku byabaye kuko nzi ko batantoreye kujya kurwana ahubwo bantoreye kujya kubahagararira nkabakorera."

Uyu muhanzi akaba n’umudepite yavuze ko nta cyo apfa na mugenzi we Babu ahubwo akavuga ko yabitewe n’uburakari yagize nyuma yo kumva Babu avuze nabi Perezida Kenyatta akamutesha agaciro avuga ko Odinga ari we Perezida. Yavuze ko asaba imbabazi uwo barwanye ariko yongera kumusaba kwirinda kuvuga nabi Perezida wa Repubulika.

Ati: “Ntabwo byari bikomeye cyane kuko ntanubwo twarwanye cyane, gusa habayeho kutumvikana, Owino ni inshuti yacu mfashe uyu mwanya musaba imbabazi ariko ndamwibutsa ko gutuka Perezida atari byiza ku muyobozi w’urubyiruko nka we."

Ku ruhande rwa Depite Paul Ongili uzwi nka Babu Owino ukomoka mu ishyaka ritavuga rumwe n’ubutegetsi ndetse agafata Raila Odinga nka Perezida wa Kenya, we yavuze ko adakwiye gusaba imbabazi kuko Jaguar ari we wahagurutse amusanga aho yari ari akamurwanya na we yabona asumbirijwe akirwanaho.

Ati: "Ntabwo nshobora kwicuza kuba narwanye na Jaguar kuko nirwanagaho imbere y’umuntu wari uje ansatiriye, iyo ntirwanaho ubu tuba tuvuga indi nkuru, ubu mba napfuye kandi abaturage mpagarariye bari kuba babuze umudepite, ubu abanya-Kenya bari kuba bari mu cyunamo."

Owino avuga ko Jaguar yaje ari kumwe n’undi mudepite baje kumurwanya ndetse akavuga ko hari n’itsinda ry’abadepite bari bapanze kumukubita. Yavuze ko anenga Jaguar kuba yaramukubaganiye agatuma barwana bagatanga urugero rubi nk’abayobozi bakiri bato, icyakora yavuze ko azakurikiza ibyo Bibiliya ivuga akababarira Jaguar

Hagati aho abashinzwe umutekano mu nteko ishinga amategeko barimo gukora iperereza ngo basesengure imvano y’imirwano yadutse mu badepite.

Itegeko rigenga imyitwarire y’abadepite muri Kenya rivuga ko mu gihe umudepite yitwaye nabi mu nteko ahanishwa kutitabira imirimo y’inteko mu gihe kiri hagati y’iminsi 5 na 28 nkuko Dailynation dukesha iyi nkuru ibitangaza.

Aba sibo badepite bagaragaye barwanira mu nteko kuko no muri Uganda mu munsi mike ishize abadepite barimo umuhanzi Bobi Wine na bo bararwanye bakizwa na mbuga.

Kanda aha usome inkuru yabanje bijyanye

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza