Tom Close yikuye mu gitaramo cya 2Face Idibia

1

Umuhanzi Tom Close yatangaje ko atazagaragara mu gitaramo cy’umuhanzi wo muri Nigeriya 2 Baba uzwi nka 2Face Idibia kizaba mu mpera z’iki cyumweru bitewe nuko ngo hari ibyo atumvikanye n’abagitegura

Kuri uyu wa 23 Nzeri 2016 i Kigali hategerejwe igitaramo cyizitabirwa n’umuhanzi w’icyamamare wo muri Nijeriya witwa 2Baba wamenyekanye nka 2Face Idibia.

Ku byapa byamamaza iki gitaramo hagaragaraho umuhanzi Tom Close azafatanya n’itsinda Urban Boys akaba ari na 2Baba ubwe wasabye ko yakorana n’aba bahanzi.

Abinyujije ku rubuga rwe rwa Instagram, Tom Close yavuze ko atazabasha kwitabira iki gitaramo kubera ko hari ibyo atumvikanye n’abagiteguye.

Yagize ati: “ndifuza kubamenyesha ko kubera ko abateguye iki gitaramo batubahirije ibyo twumvikanye, ntazabasha kukibonekamo, gusa niba hari uwifuzaga kureba 2Face hamwe n’abandi bahanzi bazaba bari muri icyo gitaramo, ibi ntibikwiriye kugira uwo bibuza kuzajyayo”

Mu butumwa yatanze, umuhanzi Tom Close ntiyigeze atangaza ibyo atumvikanye n’abategura icyo gitaramo.

Ibi bishobora kugira ingaruka mbi ku bwitabire n’imigendekere y’iki gitaramo kuko gishobora guhomba abakunzi ba Tom Close bari kuzajyayo.


Tom Close yari kubyapa byamamaza igitaramo

Yisangize Inshuti.

Ibitekerezo 1

Tanga Igitekerezo