Kwamamaza

Imyidagaduro

Senderi yababajwe bikomeye no kuba atararirimbiye Perezida Mugabe

Yanditswe

kuya

na

Arsene Muvunyi
Senderi yababajwe bikomeye no kuba atararirimbiye Perezida Mugabe

Umuhanzi uririmba injyana ya Afro Beat Senderi International Hit ari mu gahinda gakomeye ko kuba atarabashije kuririmbira abaperezida bari bitabiriye inama ya 27 y’Afurika yunze ubumwe yaberaga mu Rwanda.

Kuva tariki ya 10 kugera tariki ya 18 Nyakanga mu Rwanda haberaga inama y’umuryango wa Afurika yunze ubumwe yitabiriwe n’abayobozi batandukanye bo muri Afurika harimo n’abakuru b’ibihugu.

Ku mugoroba wo kuwa 17 Nyakanga, abaperezida bitabiriye iyi nama bahuriye hamwe barasangira ndetse basusurutswa n’abahanzi batandukanye bo mu Rwanda ndetse n’itsinda ryo muri Afurika y’Epfo rya Mafikizolo.

Senderi International Hit usanzwe anakora indirimbo zivuga kuri gahunda za Leta yatangaje ko yababaye kuba atarabashije kuririmbira abaperezida ba Afurika bari bitabiriye iyi nama.

By’umwihariko ariko Senderi mu butumwa bwe yavuzemo Perezida Robert Mugabe wa Zimbabwe ndetse aranamwihanganisha.

Aha, umuntu yakwibaza icyatumye yibanda kuri Perezida Mugabe akanamwihanganisha kuba ataramuririmbiye ndetse umuntu akibaza niba bari bafitanye gahunda.

Mu butumwa bwe, Senderi yagize ati “Nyakubahwa Mugabe ihangane n’abandi mwaje muri 27th AU Summit, ndababaye kuba ntarabaririmbiye uko Afurika n’abanyarwanda twibohoye ndetse ko n’intore za Afurika ari twe tugomba kwishakamo ibisubizo.”

Ubu butumwa bwa Senderi yabusoje agaragaza ko afite icyizere cyo kuzabonana n’aba bakuru b’ibihugu akabaririmbira. Ati: “Tuzabonana ubutaha.”

Nyuma y’uko King James aririmbira aba bakuru b’ibihugu indirimbo ze zisanzwe z’urukundo, ku mbuga nkoranyambaga benshi bagiye bamunenga bavuga ko atari akwiye kuziririmba, ahubwo hari hakenewe umuhanzi utanga ubutumwa bwa politiki nk’ubwo Senderi avuga ko yari gutanga.

IBITEKEREZO

  1. Ahubwo se yari kurimba adashoboye? cg yagirango adusebye?azabanze abyige abone kuririmbira abantu.

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza