Safi Madiba yongeye gukora mu nganzo y’imitoma kubw’umukunzi we Parfine

3

Urukundo rwa Safi na Parfine rumaze gufata indi ntera

Nyuma y’uko itsinda rya Urban Boyz ryegukanye igikombe cy’irushanwa rizwi nka PGGSS ryari ribaye ku nshuro yaryo ya gatandatu, kuri ubu umwe mu bagize iri tsinda ari we Niyibikora Safi uzwi nka Safi Madiba yakoze mu nganzo y’imitoma ayibwira umukunzi we uba hanze y’u Rwanda uzwi ku izina rya Parfine Umutesi.

Tariki ya 3 Kamena ubwo Safi yizihizaga isabukuru ye y’amavuko, Parfine yamutuye amagambo y’urukundio, avuga ko nta ko bisa kuba akundana n’umusore nka Safi.

Safi na we ntiyaripfanye, kuri uyu wa Mbere yamwandikiye amutura amagambo y’urukundo agira ati: "iyo mpumirije (nsinziriye) ndakubona n’iyo mfunguye amaso (nkangutse) ndagukumbura"


Parfine, umugore Safi yihebeye

Bidatinze na Parifine yagiye mu nganzo, maze abwira Safi ko nubwo ari kure bidatinze azaba amusesekayeho.

Anyuze ku rubuga rwe rwa instagram Parfine yagize ati:
"Ohh!, ndagukumbuye nshuti yange Safi Madiba, vuba aha nzaba ndi aho, ndagukunda cyane nshuti yanjye y’ukuri, uri byose kuri njye"

Hashize igihe kitari gito uyu mugore Parfine ufite abana babiri yigaruriye umutima wa Safi ndetse kuri ubu bikaba bivugwa ko vuba aba bombi bashobora kurushingana.

Iyi ni yo mpano Parfine yageneye umukunzi we Safi ku munsi w’amavuko

Yisangize Inshuti.

Ibitekerezo 3

Tanga Igitekerezo