Polisi yateye utwasi ikirego Jay polly yareze Fire Man, yemeza ko Jay ashobora guhanwa

3

Polisi y’u Rwanda iravuga ko idashobora gukurikirana umuhanzi Fire Man ku cyaha cyo kunywa ibiyobyabwenge aherutse gushinjwa na Jay Polly kuko ngo nta kimeneyetso gifatika yatanze, polisi ahubwo ikavuga ko Fire Man abishatse yajyana Jay Polly mu nkiko akamurega icyaha cyo kumusebya.

Mu Mpera z’icyumweru gishize ni bwo mu bitangazamukuru bitandukanye hagiye humvikana inkuru ivuga ko umuhanzi Jay Polly atabaza polisi ngo ifate Fire Man kuko ngo akoresha ikiyobyabwenge cya “Mugo” ndetse ko kimaze kumugira imbata.

Mu gushaka kumenya niba polisi y’u Rwanda yarumvise ikirego cya Jay Polly ndetse niba polisi ishobora gukurikirana Fire Man kubera ibyo yavuzwe ho, MAKURUKI yaganiriye n’umuvugizi wa polisi y’u Rwanda mu mujyi wa Kigali Spt Emmanuel Hitayezu maze atangira atubwira uko ikoreshwa ry’ibiyobyabwenge rikomeje kuvugwa mu bahanzi rihagaze kugeza ubu.

Yagize ati: “Nta muhanzi twari twafata anywa, akoresha, cyangwa acuruza ibiyobyabwenge, ubwo wenda ayo ni amakuru twazakurikirana tukamenya ukuri kwayo.”

Ku kirego cya Jay Polly yatangiye mu itangazamakuru avuga ko Fire Man yazahajwe n’ibiyobyabwenge Spt Emmanuel Hitayezu yadutangarije ko badashobora kumukurikirana kuko ngo nta gihamya gifatika Jay Polly yatanze cyerekana ko Fire Man anywa ibiyobyabwenge.

Yagize ati: “ iyo tubonye amakuru wenda ku muntu ari kunywa ibiyobyabwenge dushobora kuba twamukurikirana ariko kuvuga ngo uyu muntu anywa ibiyobyabwenge ariko nta kimenyetso gifatika ntabwo bivuze ko twahita dufata umuntu ngo akurikiranwe mu nzego z’ubutabera nta kimenyetso runaka yamufatanye gishinja ko mu by’ukuri hari icyaha akurikiranyweho.”

Urucira mukaso rugatwara nyoko!

Umuvugizi wa Polisi mu mujyi wa Kigali yongeho ko kuba Jay Polly yaravuze mu ruhamae ko Fire Man akoresha ibiyobyabwenge kandi nta gihamya gifatika agaragaza, biha Fire Man uburenganzira bwo gutanga ikirego mu nkiko akarega Jay Polly ko yamusebeje.

Yagize ati: “uwo yabivuzeho ashatse yamukurikirana, kuko kuvuga ngo umuntu akoresha ikiyobyabwenge kandi atagikoresha ni ukumusebya, ashatse yamukurikirana bitewe n’uburyo yumvise byamugizeho ingaruka mu mirimo ye ya buri munsi, ni uburenganzira bwe.”

Ingingo ya 288 y’igitabo cy’amategeko ahana ibyaha mu Rwanda iteganya ko uwahamwe n’icyaha cyo gusebanya ahanishwa igifungo kuva ku mezi atandatu kugeza ku mwaka umwe n’ihazabu y’amafaranga y‟u Rwanda kuva kuri miliyoni imwe (1.000.000) kugeza kuri miliyoni eshanu (5.000.000) cyangwa kimwe gusa muri ibyo bihano.

Naho ingingo ya 594 yo mu gitabo cy’amategeko ahana y’u Rwanda ivuga ko, umuntu wese unywa, witera, uhumeka, wisiga cyangwa ukoresha ubundi buryo ubwo ari bwo bwose bw’ibiyobyabwenge n’urusobe rw’imiti ikoreshwa nka byo mu buryo bunyuranyije n’amategeko, ahanishwa igifungo kuva ku mwaka 1 kugeza ku myaka 3 n’ihazabu y’amafaranga y’u Rwanda kuva ku bihumbi 50 kugeza ku bihumbi 500.

Yisangize Inshuti.

Ibitekerezo 3

  1. IGITE KEREZO CYAJYE NDABANZA KUNE NGAJEPOL KUKO NKIMARA GUSOMA IYINKURU NDABABAYE NDUMU FANA WAJEYIPOL FAYAMA MUBABARIRE SIWE NIBI MURIMO KANDI UMUNTU ATABA SHA KUMUKURAMO GUSA WENABO NAKO ARIBI AZABIREKA

  2. BOSE NABARARA IBOSIBINTU KWATA ABANTU AMADEBE KUGAMBANIRA UMUVANDINWE SIBYEMEWE AVUGENIBA TUMUHE AMAFARAGA INTUNGA TURABAKIRE ATEBUKE?

  3. Jay polly !is not seriouse ahubuka mumagambo avuga ndibuka yita abanyamakuru amadebe akanasebya kaminuza zabareze biriya byose n ,indiscipline (umuco wo kumuhanda ntakabe nka street boys amenye ko amagambo umuntu akoresha amugaruka nyuma cg kikaba kimwe mubituma umuntu arangira kweri kuvuga ibintu bitagira ibimenyetse uzumve interviw za fireman amurusha gutekereza

Tanga Igitekerezo