Nyuma y’irahira rya Paul Kagame; The Ben, Kitoko n’ibindi bihangange mu gitaramo “KIGALI INTSINZI CONCERT”

3

Mu rwego rwo kwizihiza intsinzi ya Nyakubahwa Paul Kagame no kwishimira umuhango wo kurahira kwe uteganyijwe kuri uyu wa 18 Kanama 2017, hateguwe igitaramo kigiye guhurizwamo ibyamamare nyarwanda muri muzika, aho abanya-Kigali bahawe amahirwe yo kwiyumvira no kwirebera aba bahanzi ku buntu.

Iki gitaramo giteganyijwe nyuma y’ibirori byo kurahira kwa Paul Kagame uherutse kongera gutorerwa kuyobora Repuburika y’u Rwanda uza uyu wa gatanu 18 Kanama 2017 ukurikirwe n’igitaramo cy’amateka kizabera muri Parikingi ya Stade Amahoro guhera isaa kumi n’ebyiri z’umugoroba.

Iki gitaramo giteganyijwe nyuma y’ibirori rya Perezida wa Repuburika kuri uyu wa gatanu 18 /08/2017 muri Parikingi ya Stade Amahoro guhera isaa kumi n’ebyiri z’umugoroba, aho kizizihizwa n’ibyamamare nyarwanda birimo umuhanzi Bibarwa Kitoko, Charlie na Nina, Jay Polly,Urban Boys, Dream Boys,Bruce Melody, King Jjames ndetse na Riderman. Amakuru atugeraho yizewe ni uko kizitabirwa kandi n’umuhanzi The Ben uza kuba avuye muri Amerika,

Uretse aba bahanzi Dj Bisosso n’umushyushyarugamba Lion Imanzi na bo bazafasha abazitabira ibi birori kuryoherwa n’iki gitaramo, aho abantu basabwa kuza hakiri kare mu rwego rwo kwirinda umuvundo, dore ko abantu bashobora kuzaba benshi kuko kwinjira nta kindi bisaba uretse kuzinduka gusa.

The Ben uba muri Amerika, Kitoko uba mu gihugu cy’ubwongereza na we umaze ukwezi mu Rwanda ni bamwe mu bazitabira iki gitaramo, bakazafatanya na bagenzi babo basanzwe bakunzwe baba hano mu Rwanda.

Iki gitaramo cyateguwe n’umujyi wa Kigali mu rwego rwo kwizihiza intsinzi ya Nyakubahwa Paul Kagame.

Yisangize Inshuti.

Ibitekerezo 3

Tanga Igitekerezo