Umuhanzi Daniel Ngarukiye n’umufasha we bari mu gahinda ko kubura imfura yabo

1

Inyamibwa witabye Imana yari imfura ya Ngarukiye na Lavinia

Umuhanzi Daniel Ngarukiye uzwi mu njyana za gakondo we n’umufasha we bari mu kababaro gakomeye nyuma yo gutakaza imfura yabo mugihe kitarenze amezi atatu gusa bamwibarutse.

Abinyujije ku rukuta rwe rwa Facebook na instagram umuhanzi Daniel Ngarukiye yanditse amagambo mu rurimi rw’icyongereza asobanura iby’urupfu rw’umwana wabo.

Yagize ati: twakwakiriye nk’impano iturutse ku mana mugihe twari dutangiye kukwishimira hano ku isi, Imana yahisemo kugusubiza mu bamalayika bayo, ntituzigera tukwibagirwa.”

Uyu muhanzi yavuze ko uyu mwana atari arwaye bikabije dore ko yafashwe ku gicamunsi cyo kuri iki cyumweru aho yarukaga bidakabije gusa akaba yaje kuremba mu masaha ya ninjoro bakamujyana kwa muganga aho yaje kwitaba Imana mu rukerera rwo kuri uyu wa mbere tariki 30 Gicurasi 2016 aguye mu maboko y’abaganga bari kumukorera ibizamini.

Iyi mfura yabo bari bise Inyamibwa yari yavutse kuwa 18 Gashyantare 2016 nyuma y’uko Ngarukiye na Lavinia Orac basezeraniye muri Romania kuwa Kabiri tariki ya 22 Ukuboza 2015. Baherekejwe n’inshuti z’uyu mukobwa zo muri Romania.

Ngarukiye na Lavinia, bamenyaniye i Kigali ubwo uyu mukobwa yari yaje mu Rwanda akitabira igitaramo Daniel Ngarukiye yaririmbyemo muri Serena Hotel ari naho bamenyaniye.

Ngarukiye na Lavinia ubu bari mu gahinda ko kubura imfura yabo

Yisangize Inshuti.

Ibitekerezo 1

  1. Dan, na madam turabihanganisha cyane tubafata mu mugongo. twifatanije namwe mu kababaro ko kubura icyo
    cyibondo.May God rest him in peace.

Tanga Igitekerezo