Miss UwaseHirwa Honorina (Igisabo) hari isomo rikomeye yakuye muri Miss Earth 2017

Miss Igisabo uvuye guhagararira u Rwanda mu marushanwa ya Miss Earth 2017 yaberaga muri Philippines,asanga hari byinshi yungukiye muri iri rushanwa agiye kubyaza umusaruro mu minsi iri imbere, n’ubwo nta gihembo na kimwe yakuye muri aya marushanwa cyangwa se ngo agaragare mu bambere bitwaye neza.

Miss Earth 2017 yaberaga mu gihugu cya Philippines, yasojwe kuwa 04 Ugushyingo 2017 yegukanwa na Nyampinga wo muri ikigihugu, Miss Karen Ibasco.

Miss Igisabo asanga n’ubwo atabashije kwitwara neza muri iri rushanwa rya Miss Earth 2017, ko hari byinshi yungukiyemo bigiye kumufasha mu minsi iri imbere, aho agiye kwita ku mishanga ye by’umwihariko ifite aho ihuriye n’ibidukikije.

Miss Igisabo yakunze gukora ibinyuranye n’ibyo amategeko y’irushanwa agena, nko kwambara imyenda yokogana (bikini) no kwambara imyenda igaragaza imitere, yavuze ko byose byari ukwihesha agaciro no guhesha agaciro umuco Nyarwanda.

Yakomeje avuga ko yagiye muri aya marushanwa aserukiye u Rwanda bityo rero nta mpamvu yo kugaragaza umuco utandukanye n’uw’igihugu ahagarariye.

Yagize ati,”Impamvu ntarambaye Bikini byari amahitamo yanjye kimwe n’uko hari undi wari kujyayo agakora ibitandukanye n’ibyonakoze. Njyewe nagiye nk’Umunyarwandakazi, nagombaga kugaragaza ngo umunyarwandakazi ni muntuki.

Iyo ngenda nambaye nk’uko abandi bari bambaye narikubampfobeje umuco wacu,…nkavuga korero ibyo abantu bagiye babivugaho ntabwo nabitinzeho cyane ariko kandi buri wese afite uburenganzira bwo kuvuga ikimuri ku mutima.”

Miss Uwase Hirwa Honorine (igisabo) yishimiye kuba yaragiye muri iri rushanwa ari we mu nyarwanda wa mbere ubashije kuryitabira, kuko abona Abanyarwandakazi bazamukurikira bazabasha kwitwara neza ndetse bakaba bakegukana ibihembo.

Dore uko muri iri rushanwa bari begukanye ibihembo

Miss Earth 2017 Karen Ibasco( Philippines)
Miss Earth Air Nina Robertson ( Australia)
Miss Earth Fire Lada Akimova(Russia)
Miss Earth Water Juliana Franco(Colombia).

Bikorimana Alexis

Yisangize Inshuti.

Ibitekerezo

Tanga Igitekerezo