Kim Kardashian yibiwe i Paris n’abantu bitwaje imbunda

Umunyamideli Kim Kardashian yibiwe imikufi y’agaciro mu mujyi wa Paris mu Bufaransa, aho yari yagiye kwitabira ibirori by’imideli.

Kardashian yibwe kuri iki Cyumweru muri hoteli yari acumbitsemo, ubwo abagabo batanu bipfutse mu maso bitwaje n’imbunda binjiraga mu cyumba yari acumbitsemo.

BBC yatangaje ko Kardashian yahungabanye ariko nta hantu na hamwe yakomeretse.

Polisi yo mu mujyi wa Paris yavuze ko uyu umugore wa Kanye West yibwe imikufi ifite agaciro k’amamiliyoni y’amadolari.

The Guardian yatangaje ko uwari arinze Kardashian yabanje kubohwa n’abo bajura, ubundi bakinjira mu cyumba.

Polisi yo mu Bufaransa yatangaje ko iperereza ryatangiye ngo hemenyekane abo bajura.

Kanye West akibimenya yahise ahagarika kuririmba mu gitaramo cya Meadows music and arts festival i New York.

Kim Kardashin yari yagiye i Paris mu birori by’imideli ari kumwe na nyina Kris Jenner ndetse n’umuvandimwe we Kendall Jenner.

Yisangize Inshuti.

Ibitekerezo

Tanga Igitekerezo