Jay Z Yavuze ko Trump adashobora kumubera Perezida

7

Beyonce (ibumoso) Clinton na Jay Z mu gitaramo

Umuraperi ukomeye muri Leta Zunze Ubumwe za Amerika Jay Z kuri uyu wa Gatanu yakoranye igitaramo cy’amateka n’umugore we Beyonce afatanyije na Big Sean na Chance The Rapper cyo gushyigikira Hillary Clinton.

Ni igitaramo cyabereye mu mujyi wa Cleveland muri Ohio, ahari hateraniye imbara y’abashyigikiye umukandida wiyamamariza umwanya wa Perezida Hillary Clinton.

Jay Z utarakunze kugaragara mu bashyigikiye Clinton cyane nubwo ari inshuti ikomeye ya Perezida Barrack Obama, yavuze ko Donald Trump uhagarariye abarepubulike adashobora kumubera Perezida.

Yagize ati “Uriya muhungu wundi, nta rwango mufitiye ariko ntiyambera Perezida.Ntiyatubera Perezida.Ushaka kuducamo ibice, arashaka kuduca intege.

Dukomeye kuko turi hamwe.Nta bindi byinshi, nashakaga kubereka Perezida ukurikiyeho wa Leta Zunze Ubumwe za Amerika, Madamu Hilary Clinton.”

Bwa mbere Beyonce aririmbira Hilary Clinton, na we yavuze koa nta wundi ashaka ko aba Perezida atari Clinton.

Yagize ati “Ndifuza ko umukobwa wanjye (Blue Ivy Carter) akura abona umugore ari we uyoboye igihugu cyacu, na we amenye ko afite ubushobozi bwose.”

Mu gihe hasigaye iminsi itatu ngo amatora abe, Clinton yasabye abamushyigikiye kumujya inyuma ngo kuko hari ibitararangira nkuko CNN yabitangaje.

Ati “Turacyafite ibyo tugomba gukora.Haracyari ibisitaza tugomba kuvana mu nzira.Tugomba gukora amateka bwa mbere ku bwa bose.”

Hilary Clinton aramutse atorewe kuyobora Amerika yaba abaye umugore wa mbere uyiyoboye.

Mugihe habura iminsi mike amatora akaba, abakandida bose barasa n’aho bahanganye kuko amabarura ashingiye ku bitekerezo (opinion polls) agaragaza ko Clinton ari imbere n’amahirwe 48 % naho Trump akagira 42 % ukurikije ibarura rihuza amabarura yose rya Huffington post.

Yisangize Inshuti.

Ibitekerezo 7

  1. Clinton afite uburambe mubuyobozi BWA USA nunva aramutse ayoboye America kuriwe byamworohora nkumuntu wabaye secretary WA leta kandi yagiye akora neza rwose ubushobozi arabufite

  2. Clinton afite uburambe mubuyobozi BWA USA nunva aramutse ayoboye America kuriwe byamworohora nkumuntu wabaye secretary WA leta kandi yagiye akora neza rwose ubushobozi arabufite

  3. Clinton afite uburambe mubuyobozi BWA USA nunva aramutse ayoboye America kuriwe byamworohora nkumuntu wabaye secretary WA leta kandi yagiye akora neza rwose ubushobozi arabufite

Tanga Igitekerezo