"Iyaba Bibiliya yari icyandikwa, hakanditswemo ibikorwa bya Perezida Kagame…" Theo Bosebabireba

11

Umuhanzi Uwiringiyimana Theogene uzwi ku izina rya Theo Bosebabireba

Nyuma yo gusohora indirimbo isingiza ibikorwa bya Perezida Kagame, umuhanzi Uwiringiyimana Theo aravuga ko kubwe byagakwiye no kwandikwa muri Bibiriya ngo kuko hari abanditswemo arusha kuba indashyikirwa.

Umuhanzi w’indirimbo zihimbaza Imana Uwiringiyimana Theogene uzwi ku izina rya Bosebabireba, yasohoye indirimbo ivuga ibikorwa by’indashyikirwa bya Perezida wa Repubulika y’ u Rwanda Paul Kagame.

Avuga ko ajya kwandika iyi ndirimbo yise “Umunyabwenge”, yabitewe n’ibyo abona ndetse anumva haba mu Rwanda ndetse no hanze aho aba yagiye ku mpamvu z’ubuhanzi bwe cyane cyane.

Yongeraho ko kuba asanzwe afasha abantu mu gusana imitima binyuze mu ndirimbo zihimbaza Imana, akwiye no kuririmba n’ibindi byiza bitari mu muri Bibiliya.

Mu kiganiro cyihariye yagiranye na Makuruki.rw Theo Bosebabireba yadutangarije ko abona ibikorwa bya Perezida Kagame byakanditswe muri Bibiriya, iyo iza kuba icyandikwa.

Yagize ati “Iyo Bibiriya iza kuba icyandikwa, hari kwandikwamo n’ibindi bintu bigenda biboneka n’abandi bantu bagenda baba intwari cyangwa bagenda baba abantu b’abagabo […] yaboneka mu bantu bakoze ibintu bigaragara kuko mbona handitsemo n’abantu batakoze ibikomeye nk’ibyo mbona akora ariko bigaterwa n’igihe umuntu yabikozemo”.

Theo kandi yavuze ko atarekeye aho ahubwo azakora n’izindi ndirimbo byashoboka akandika n’igitabo kuko ari nabwo yabasha kwinigura kuko ngo indirimbo iba ari ngufi.

Ku bavuga ko yavuye mu ndirimbo zihimbaza Imana akajya kuririmba iza Politiki, yavuze ko we nta kibazo abibonamo ngo keretse yakanguriye abantu ibintu bibi kandi ngo yumva nta kibazo azagirana n’itorero asengeramo rya ADEPR nkuko bamwe babitekereza.

Yagize ati “Kandi nkibwira ko nkuko ndi umukirisitu wa ADEPR ngiriwe ikizere wenda nkaba umunyapolitiki bakanshinga imirimo, itorero ryampagarika ngo nuko nagiye kuba umuntu ushinzwe ibintu runaka byo gufasha Abanyarwanda cyangwa sosiyete?”

Mu minsi ishize Theo yafashije Perezida Museveni mu kwiyamamariza kongera kuyobora Uganda, ariko avuga ko we atasohoye iyi ndirimbo mu buryo bwo gushaka uko yazamamaza Perezida Kagame mu matora ya 2017.

Icyakora yongeraho ko aramutse abisabwe byamunezeza ndetse ko byatuma ahubwo anahimba izindi nyinshi ku buryo yazikoresha muri icyo gikorwa ari nyinshi.

Ubutumwa buri muri iyi ndirimbo “Umunyabwenge” buvuga ukuntu imvugo ya Perezida Kagame ari yo ngiro ndetse bukanashishikariza abantu bari hanze y’igihugu kuza kureba aho u Rwanda rugeze aho gukomeza kurufata mu ishusho ya kera.

Yisangize Inshuti.

Ibitekerezo 11

  1. Usigaye waravangiwe nuko satani yinjira nawe warinjiriwe aho ugeraranya ibya bibiriya byavuzwe nuwiteka na portike wagenze gake ko utize poritike

  2. Ushize impumu yibagirwa icyamwirukansaga Theo mberehose guhimaza Imana waribeshye Kuki utahimbaje president Ntiwaruzi ko ahari? Thanks

  3. Ushize impumu yibagirwa icyamwirukansaga Theo mberehose guhimaza Imana waribeshye Kuki utahimbaje president Ntiwaruzi ko ahari? Thanks

  4. Icyo nkundira bibiriya nuko icyumuntu yakoze chose bacyandika.urugero nka sawuriwahihindutse Paul,bibiriya ivuga ukuntu yatoteje abakristu,akanabica hanyuma azakubirekehwa,agahinduka agakorera,Imana.naho theogene,wendabona arimogushaka kurengera.gusa muzarebe icyumuntu atangiye cyose iyogitangiye kugendaneza ageyigengesera kurangirakwacyo.nzabandora.

  5. 1 | 2

Tanga Igitekerezo