Kwamamaza

Imyidagaduro

Indoro ya Charly na Nina yinjiye mu ndirimbo nke z’abanyarwanda zikoze amateka

Yanditswe

kuya

na

Arsene Muvunyi
Indoro ya Charly na Nina yinjiye mu ndirimbo nke z’abanyarwanda zikoze amateka

Indirimbo indoro ya Charly na Nina nayo yamaze kwinjira mu rutonde rugufi rw’indirimbo z’abanyarwanda zimaze kurebwa inshuro miliyoni ku rubuga rwa Youtube.

Itsinda ry’abakobwa 2 Charly na Nina rimaze kubaka izina mu ruhando rwa muzika nyarwanda kandi mu gihe gito gishoboka ahanini babifashijwemo n’indirimbo yabo Indoro bafatanyije n’umurundi Big Fizzo.

Iyi ndirimbo yahesheje aba bakobwa amahirwe akomeye dore ko batumiwe mu bitaramo bitandukanye hanze y’u Rwanda nko muri Uganda ndetse n’i Goma muri Kongo, banabasha kuririmba mu bitaramo bikomeye byo mu Rwanda babikesha indoro.

Kugeza ubu aba bakobwa ni bo bari mu byiciro byinshi by’abahatanira ibihembo bya Salax Awards nko mu cyiciro cy’umuhanzi ukizamuka, Indirimbo y’umwaka (Indoro), umuhanzikazi w’umwaka, umuhanzi uririmba injyana nyafurika,

Hejuru y’ibigwi byose indirimbo Indoro yagejeje kuri aba bakobwa hiyongereyeho ko yamaze kurebwa inshuro miliyoni ku rubuga rwa Youtube kandi mu gihe gito kuko yagezeho tariki ya 30 Ugushingo 2015 bivuze ko yari itaramara n’umwaka.

Uretse kurebwa n’inshuro miliyoni, abandi bantu basaga 2000 berekanye ko bayikunze, 220 berekanya ko batayikunze naho 160 batanga ibitekerezo ibyinshi bikaba ari ibishima iyi ndirimbo.

Indoro yanamenyekanye mu bihugu bitandukanye kugeza n’aho korali yo mu Burundi ihimbye indirimbo y’Imana ariko ikagendera mu njyana y’Indoro.

Si iyi korali yasubiyemo iyi ndirimbo gusa kuko hari n’umuhanzi wo mu gihugu cya Uganda wayisubiyemo yifashishije ibyuma bya musika bicuranga gusa nta majwi arimo.

Mu ntangiriro z’uyu mwaka wa 2016 umujyanama wa Charly na Nina Muyoboke Alex yatangaje ko bafite gahunda yo kuyisubiramo noneho bari kumwe n’umuhanzi Ali Kiba wo muri Tanzaniya gusa kugeza ubu ntibiraba.

Izindi ndirimbo z’abanyarwanda zarebwe inshuro miliyoni si nyinshi cyane ni Nka Paradizo ya Priscilla na Burinde Bucya ya Meddy.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza