Hakozwe indirimbo ivuga ku bigwi bya senateri Jean de Dieu Mucyo

5

Abahanzi b’abanyarwanda basanzwe baririmba indirimbo zo kwibuka jenoside yakorewe abatutsi mu 1994, bishyize hamwe bakora indirimbo ivuga ibigwi bya nyakwigendera senateri Jean de Dieu Mucyo uherutse kwitaba Imana.

Mu gitondo cyo ku wambere nibwo humvikanye inkuru y’inca mugongo y’urupfu rutunguranye rwa Senateri Jean de Dieu Mucyo wanyereye ku madaraja y’Inteko Ishinga amategeko ubwo yajyaga mu kazi ke, agahita apfa.

Abahanzi nka Mariya Yohana, Munyeshoza uzwi nka Mibirizi, Senderi International Hit, Grace na Bon Homme bishyize hamwe bakora indirimbo bise “Intwari Ntipfa”ivuga ku bigwi byaranze nyakwigendera Senateri Jean de Dieu Mucyo ndetse banashimangira ko abanyarwanda bazahora bazirikana umurage.

Nyakwigendera Jean de Dieu Mucyo yakoreye u Rwanda igihe kinini aho yakoze mu nzego zitandukanye nko muri Minisiteri y’Ubutabera, muri Komisiyo y’igihugu ishinzwe kurwanya Jenoside (CNLG) kuri ubu akaba yari umusenateri.

Biteganijwe ko azashyingurwa kuri uyu wa 07 Ukwakira aribwo hazaba imihango yo kumusezeraho ndetse no kumusyingura.

Ushobora kumva iyo ndirimbo ukanze hano:

Yisangize Inshuti.

Ibitekerezo 5

Tanga Igitekerezo