Warning: imagejpeg(local/cache-vignettes/L463xH309/arton12862-a3d42.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
"Gusesa isoko ntibivuga guhagarika Miss Rwanda" Dr Vuningoma .|. Makuruki.rw | Amakuru Asesenguye!

"Gusesa isoko ntibivuga guhagarika Miss Rwanda" Dr Vuningoma

Umunyamabanga Nshingwabikorwa w’Inteko Nyarwanda y’ururimi n’Umuco Dr Vuningoma James yemeje ko nta kabuza nyampinga w’u Rwanda 2017 azatorwa n’ubwo isoko ryo kubitegura ryasheshwe.

Hashize iminsi mike hasakaye amakuru avuga ko isoko ryo gutegura igikorwa cyo gutora Nyampinga w’u Rwanda ryasheshwe bikaba byanatumye mu mwaka utaha wa 2017 nta nyampinga w’u Rwanda uzatorwa.

Abanyarwanda benshi baguye mu kantu ndetse bibaza ukuntu gusesa isoko byagira ingaruka ku gikorwa cyo gutora nyampinga w’u Rwanda kimaze kumenyerwa nk’igikorwa buri mwaka.

Mu kiganiro Makuruki.rw yagiranye n’Umunyabanga Nshingwabikorwa w’Inteko Nyarwanda y’ururimi n’Umuco (RALC) Dr James Vuningoma yadutangarije ko isoko ryasheshwe ariko bidakuraho igikorwa cyo gutora nyampinga w’u Rwanda.

Yagize ati “ isoko ryarasheshwe, gusesa isoko ntibivuga guhagarika Miss Rwanda, Miss Rwanda ariho arategurwa igihe kigeze muzabimenyeshwa.”

Twashatse kumenya igihe uzategura igikorwa cyo gutora nyampinga w’u Rwanda 2017 azamenyekanira, ariko Dr Vuningoma James ntiyashima kugitangaza, avuga ko hari gukorwa ibiganiro bigamije kunoza iki gikorwa.

Yagize ati “isoko ryarasheshwe, ryarasheshwe, full stop! Ibindi ni ibiganiro bikiriho harebwa uko byakorwa bikurikije amategeko.”

Rwanda Inspiration Back Up niyo sosiyete yari imaze imyaka itatu itegura igikorwa cya Miss Rwanda. Ubwo isoko ryavugururwaga yarongeye irahatana ariko iratsindwa ariko ntiyanyurwa n’uburyo isoko ryatanzwemo. Byatumye ijurira mu kigo cy’igihugu gishinzwe amasoko ya leta isoko riraseswa.

Nyampinga w’u Rwanda 2017 azasimbura Mutesi Jolly watowe ahagarariye Intara y’Uburengerazuba.

Yisangize Inshuti.

Ibitekerezo

Tanga Igitekerezo