Danny Vumbi ngo abona Primus Guma Guma ikwiye guhindurirwa izina

3

Umuhanzi Danny Vumbi yatangaje ko abona irushanwa rya Primus Guma Guma Superstar rikwiye guhindurirwa izina, ngo kuko rigamije gushaka umuhanzi ukunzwe mu gihugu nyamara rigashyiraho amabwiriza akumira bamwe mu bakunzwe.

Danny Vumbi, wahoze mu itsinda ‘The Brothers’ akunzwe mu ndirimbo zitandukanye zirimo Ni Danger, Bizu ya Yuda, Ni uwacu, Baragowe n’izindi. Ni umwe mu bahanzi bitabiriye Primus Guma Guma umwaka ushize, nyamara batemerewe kwitabiri iy’uyu mwaka kubera imyaka ye irenze 35.

Iri bwirizwa ry’imyaka ntarengwa ni rishya ryagaragaye mu yazagenga iri rushanwa uyu mwaka.

Aganira na Radio 10 mu kiganiro Ten To Night, Danny Vumvi yavuze ko atumva uburyo imyaka ihuzwa no kuba umuntu ari icyamamare.

Yagize ati “Ntabwo wavuga ngo ukoresheje amarushanwa ya Superstar hari abo wirengagije kandi bafite ibyangombwa byo kwitwa Superstar.Ni populaire.Samputu ejo ashobora kuza agakubita hit aho ngaho ugasanga ibintu birakomeye.Harimo ikosa kandi nabo bararizi.”

Yakomeje avuga ko kuri irushanwa rikwiriye guhindurirwa izina, ngo kuko ritakireba abasitari.

Ati “Ntekereza ko barihindurira izina kubera ko superstar ni ijambo rizwi, rifite igisobanuro kizwi.”

Ibwirizwa ry’imyaka ntarengwa ntiryagonze Danny Vumbi gusa nk’umwe mu bahanzi bigeze kwitabira Primus Guma Guma Superstar, kuko ryanagonze Senderi.

Ubwo aheruka kuganira na Makuruki, Senderi yavuze ko ntacyo ashobora gutangaza ku iryo rushanwa.

EAP itegura iri rushanwa iri rushanwa yatangaje ko gushyiraho imyaka ntarengwa ari uburyo bwo guteza imbere umuziki cyane cyane mu bakiri bato.

Abahanzi bazitabira Primus Guma Guma Superstar 2017 ni Bull Dogg, Danny Nanone, Christopher, Social Mula, Davis D, Mico The Best, Dream Boys, Active, Oda Paccy n’itsinda rya Charly na Nina.

Yisangize Inshuti.

Ibitekerezo 3

  1. Iryo rushanwa ritegurwa nabantu batazi ibyumuziki rikanitabirwa nabatazawumenya ndetse nabafana baryo ntibarabona abaririmbyi numunsi numwe mbabazwanumuntu nkuworero urwanira kujya mubintu nkibyo

Tanga Igitekerezo