Clement ucurangira Mani Martin yashyize hanze indirimbo ye

Iradukunda Clement umenyerewe mu itsinda ricungira umuhanzi Mani Martin rizwi nka Kesho Band yashyize ahagaragara indirimbo ye yanitunganyirije yemeza ko azakomeza gukora n’izindi n’ubwo ataretse gucuranga.

Iyi ndirimbo yitwa Be My Boo ikaba ariyo ndirimbo ya mbere Iradukunda Clement ashyize ahagaragara nyuma y’igihe kinini afasha Mani Martin binyuze mu itsinda rya kesho band.

Mu kiganiro yagiranye na Makuruki.rw Iradukunda, Clement yavuze ko atari afite gahunda yo gushyira hanze iyi ndirimbo kuko yari yayikoze yishimisha ahubwo ko byaturutse ku ncuti ze zabimusabye nyuma yo kuyikunda.

Yagize ati “Ku bwanjye sinumvaga nzayisohora. Imaze kurangira abafana n’abandi bampora hafi nk’inshuti ni bo bambwiye ko ibyiza ari uko nayisohora.”

Iradukunda Clement ufite impano yo kuririmba, gucuranga no gutanganya imiziki avuga ko gucuranga ari byo akunda cyane bityo ko adashobora kureka aka kazi n’ubwo n’ibindi abishoboye.

Yagize ati “Production,gucuranga no kuririmbaa burya biruzuzanya ubaye ubishoboyee byose biba ari byiza,gusa njyewe gucuranga nibyo nkunda cyane. Sinzarekera gukora uko nari nsanzwe nkora kubera ko nasohoye indirimbo.Njyewe nzakomezaa akazi kanjye nsanzwe nkora.”

Yemeza ko iyi ndirimbo yasohoye nimara gukudwa ngo azahita ashyira indi hanze.

Clement akunze kwifashishwa n’abahanzi benshi bo mu Rwanda mu kubafasha gucuranga mu ndirimbo zabo mu gihe zikiri gutunganywa yifashishije guitar solo.

Iradukunda Clement yabwiye Makuruki.rw ko amaze gucuranga mu indirimbo zigera kuri 60 z’abahanzi nyarwanda batandukanye kandi izo ndirimbo ziri mu zakunzwe n’abantu batari bake harimo nk’iza Knowless, Tom Close,Christopher, Mani Martin,Bruce Melody, Urban Boyz,Danny Vumbi,Umutare Gaby n’abandi benshi cyane.

Umva Be my boo unyuze hano

MPEG - 9.2 Mb
Yisangize Inshuti.

Ibitekerezo

Tanga Igitekerezo