Kwamamaza

Imyidagaduro

Bruce Melody uhabwa amahirwe yo kwegukana Guma Guma agiye kuzenguruka igihugu akora ibitaramo

Yanditswe

kuya

na

Bikorimana Alexis
Bruce Melody uhabwa amahirwe yo kwegukana Guma Guma agiye kuzenguruka igihugu akora ibitaramo

Umuhanzi ukunzwe n’abatari bake mu Rwanda kubera impano yihariye afite mu muziki, Bruce Melody agiye gukora ibitaramo bizenguruka igihugu, ku ikubitiro agiye gutaramira abo mu ntara y’Iburasirazuba muri iyi wikendi.

Mu bitaramo bizazenguruka igihugu, umuhanzi Bruce Melody uzwi mu njyana ya RnB, Danny Vumbi na Jay C bagiye guha abakunzi b’umuziki ibyishimo.

Mu kiganiro Bruce Melody yagiranye na Makuruki.rw yavuze ko bateguye ibi bitaramo mu rwego rwo kwiyegereza abakunzi b’umuziki bari inyuma ya Kigali kuko usanga ibitaramo byinshi ariho bitegurirwa.

Melody ati, “Njye, Jay C na Danny Vumbi twihaye gahunda yo kuzenguruka igihugu tubataramira, kuko ibitaramo byinshi bikunda kubera I kigali kandi no hanze ya Kigali haba abakunzi b’umuziki baba bifuza gutaramirwa n’abahanzi bakunda.”

Abajijwe niba atari ukwiyegereza abafana muri iki gihe cya Primus Guma Guma Super Star Sicyiciro cya 8, yavuze ko ntaho bihuriye, ari ugushimisha abakunzi b’umuziki gusa ati, “Ibi bitaramo ntaho bihuriye na Guma Guma ni ugushimisha abakunzi bacu kuko baba badukumbuye”

Kuri uyu wa gatanu tariki ya 08 Kamena bazataramira muri Umbrella Bar I Kibungo, kuwa gatandatu tariki ya 09 Kamena bataramire muri Eastland Hotel I Kayonza, mu gihe ku cyumweru tariki ya 10 Kamena bazataramira muri Palast Hotel, muri ibi bitaramo byose kwinjira ni 1000Frw na 2000Frw muri VIP.

Bagiye gukora ibi bitaramo mu gihe bari mu kiruhuko cy’irushanwa rya Primus Guma Guma ku nshuro ya 8, aho hazacamo iki cyumweru badakoze road show bakazongera gukora Road Show I Huye kuwa 16 Kamena uyu mwaka.

Bruce Melody ni umwe mu bahanzi bari guhabwa amahirwe yo kuba yakwegukana PGGSS8 nyuma yo kuba mu bitaramo bibiri bamaze gukora abafana baramugaragarije ko bamwishimiye ku buryo na nyuma yo kuba yavuye ku rubyiniro abafana bakomezaga kuririmba Bruce Melody.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza