Abakinnyi ba filime bikomye Depite Bamporiki

6

Bamwe mu bakora umwuga wo gukina filime mu Rwanda baravuga ko ntawe ukwiye kubashyira mu gatebo kamwe ngo avuge ko bose bakora ibyo batize kuko hari ababizi kandi babishoboye ngo n’ubwo hari n’abandi babavangira.

Hon Depite Bamporiki Edourad aherutse gutangariza Inyarwanda.com ko abona uruganda rwa sinema nyarwanda rwarazahajwe no gukorera mu kajagari ndetse no kuba abakora sinema bapfa kubikora ariko nta bumenyi bafite, akaba asanga ari byo bikomeje kudindiza sinema nyarwanda.

Mu kiganiro Makuruki.rw yagiranye na bamwe mu bakinnyi ba filime nyarwanda, bavuze ko batishimiye aya magambo yatangajwe na Depite Bamporiki wanabaye mu muri sinema nyarwanda mu gihe kinini, n’ubwo nabo bemeza ko hari ibitarajya mu buryo.

Irunga Rongin wamenyekanye muri filime Ndi Umukristu yavuze ko kuba Bamporiki yaravuze ayo magambo harimo ukurengera kuko amategeko y’u Rwanda yemera abakora uyu mwuga, kandi ko filime zo mu Rwanda zifite aho zavuye n’aho zigeze ndetse zimwe muri zo zikaba zinerekanwa ku mateleviziyo mpuzamahanga.

Yagize ati “Ariko njyewe nkeka ko yarengereye, kuvuga ngo akajagari usesenguye wasanga akajagari ari iki? Niba filime iva hano ikajya i Burayi ikabona igihembo, dufate urugero nka Kinyarwanda ijya muri Amerika ikabona ibihembo ikaba iri kuzenguruka yerekanwa ni ukuvuga ngo ni akajagari ?.”

Akomeza agira ati “Ikindi cya kabiri ufashe abantu barenze 300 bafite ubuyobozi RALC irabemera MINISPOC irabemera, uravuze ngo abo bantu bari mu kajagari, iyi mvugo iraremereye cyane.”

Niyitegeka Gracien uzwi nka Seburikoko avuga ko kuba hari abafite ubumenyi buke nabyo bidakwiye gushyirwa muri rusange kuko bibaye gutyo byaba ari ugusebya ababifitiye ubumenyi ndetse banabyize.

Yagize ati “ Kuba harimo abatarabyize ntibivuze ko hatari ababyize, maze gukora muri filime 3 ariko nabonye bakora ibyo batekerejeho byanditse bifite uko biyobowe, director, Assistant director, barakurikiranye kandi ni abantu batandukanye, abarimo kubikora barabyize bafite impamyabushobozi, nka Charles wakoze Zirara Zishya afite impamyabushobozi kuva muri Canada, Seburikoko abayiyobora barayifite, none najya kuvuga ko nkorera mu kajagari nte kandi narakoranye n’abize? Nteshe agaciro se abo twakoranye nange nkiteshe? Mvuge ko Kennedy ntabwo, mvuge ko Kabera ntabwo hanyuma mvuge ko Edouard aho bahuguriwe hariya za Samuduha naho nta bumenyi bari bafite?”

Harerimana Ahmed uyobora urugaga rwa sinema mu Rwanda avuga ko hari abakora sinema batarayize ariko bitavuze ko nta bumenyi bafite mu byo bakora kuko sinema itandukanye n’indi mirimo isaba kuba warize mu ishuri.

Yagize ati " Ubunararibonye mu bintu biri tekiniki na Sinema irimo ntabwo bikenera amashuri menshi kuko si PHD iba ikenewe cyane, haba hakenewe uburambe , noneho bwa bunararibonye bugahinduka ubumenyi mubyo akora.”

Niyitegeka Gracien avuga ko kugira ngo imikorere itari myiza ikirangwa muri sinema nyarwanda iveho ari uko mu Rwanda hashyirwaho amategeko agenga uyu mwuga ukiri mushya ndetse hakaba hanashyirwaho amashuri yigisha ibya sinema kuko n’ubundi aya mashuri mu Rwanda akiri make.

Bamporiki yabaye umukinnyi wa filime ndetse n’amakinamico mbere yo kwinjira mu Nteko Ishinga Amategeko y’u Rwanda.Yameneyekanye mu ikinamico ’Urunana ’ aho na n’ubu agikina yitwa Kideyo. Yanakinnye kandi muri filime ye bwite yise ’Long Coat’.

Yisangize Inshuti.

Ibitekerezo 6

  1. Ariko uyu mudepite nabuze ikintu na kimwe ajya yemera,keretse ibijyanye na gahunda za Leta kuko aba ari guhakwa ngo imbehe itubikwa,nonese nawe ko aba muri Cinema nyarwanda yakoze iki ngo atange umusanzu?ubuse arebye aho bavuye naho bageze nta improvement abonamo?Tujye tugaya ibitagenda ariko dushime nibyagezweho kuko nawe umunenze ndabizi wamuvugaho byinshiiiii cyaneeeee.

  2. Ariko uyu mudepite nabuze ikintu na kimwe ajya yemera,keretse ibijyanye na gahunda za Leta kuko aba ari guhakwa ngo imbehe itubikwa,nonese nawe ko aba muri Cinema nyarwanda yakoze iki ngo atange umusanzu?ubuse arebye aho bavuye naho bageze nta improvement abonamo?Tujye tugaya ibitagenda ariko dushime nibyagezweho kuko nawe umunenze ndabizi wamuvugaho byinshiiiii cyaneeeee.

  3. burya rero ushyize impumu yibagirwa icyamwirunkanaga kd ukize yibagirwa gukinga twibaze c da nibakoko akajagari yarakabonye niki yakoze ngo barebereho ahaaa!

  4. byiza bampoyiki natere impunga uruganda ryo gutangaz amafilime kuk ndeby nayo aratanga isomo kuru byiruko ndets nokubakuze

  5. Bamporiki agafaranga kamaze kugwira atangiye kunenga ibyo yahozemo, ntankunga yatanga byibura ngo cinema izamuke ahubwo we ni ukunenga too,

Tanga Igitekerezo