U Bushinwa bwagurije Akon Miliyari y’amadorali azifashisha mushinga uzagera no mu Rwanda

1

Umuhanzi w’Icyamamare Akon yatewe yagurijwe n’u Bushinwa amafaranga agera kuri Miliyari y’Amadorali mu rwego rwo kwagura umushinga we ugamije gukwirakwiza amashanyarazi ku mugabane w’Afurika.

Uyu muhanzi yayahawe nyuma yo kugaragariza abashoramari bo mu Bushinwa by’umwihariko sosiyete ikora ibijyanye n’imirasire y’izuba ya leta y’u Bushinwa, inyota afitiye umugabane akomokaho ufite ibikorwa remezo bidahagije ugereranyije n’uburyo iterambere ry’isi riri kwihuta, ibintu byatumye yitangira uyu mushinga.

Uyu muhanzi w’imyaka 43 akaba yaratangiye umushinga wo kugeza amashanyarazi ku ngo miliyoni 80 mu bihugu bigera kuri 15 by’Afurika byiganjemo ibyo munsi y’Ubutayu bwa Sahara.

JPEG - 103 kb
Akon ubwo aheruka mu Rwanda

Aya mafaranga azakoreshwa mu kugura ibikoresho by’imirasire y’izuba bizwi nka Solar Panels’ mu rurimi rw’icyongereza aribyo bizifashishwa mu gutanga amashanyarazi muri Afurika.

Ubwo aheruka mu Rwanda mu mpera za 2015, Akon yavuze ko mu bihugu yahisemo harimo n’u Rwanda kuko rufite iterambere ryihuse kandi rikenera amashanyarazi menshi.

Uyu mushinga uzwi ku izina rya “Akon Lighting Africa” ugamije gukwirakwiza amashanyarazi ku baturage benshi muri Afurika.

Nuramuka ushyizwe mu bikorwa mu Rwanda, kizaba kibaye igihugu cya 15 ugezemo kuko uri no mu bihugu nka Senegal, Congo-Brazzaville, Kenya, Sierra Leone, Burkina Faso, Nigeria, Madagascar na Namibia.

Umushinga we wa “Akon Lighting Africa” watangiye muri 2014 ugamije gukwirakwiza muri Africa ingufu zikomoka ku mirasire y’izuba. Awufatanyije n’abandi banyafurika barimo umunyasenegal Thione Niang, n’umunyamali Samba Bathily.

Avuga ko yabitewe n’ibibazo yabayemo biterwa no kubaho nta muriro w’amashanyarazi, dore ko mu gace yakuriyemo muri Senegal nta muriro nta n’amazi meza bagiraga.

JPEG - 103 kb
Akon ubwo aheruka mu Rwanda
JPEG - 37.3 kb
Mbere yo kugera mu Bushinwa , yageze na Abou Dhabi mu Barabu
Yisangize Inshuti.

Ibitekerezo 1

Tanga Igitekerezo