Ruhango: Barinubira amashanyarazi adafite ingufu, ubuyobozi bukabyita ubumenyi buke mu kuyakoresha

1

Bamwe mu baturage batuye mu kagari ka Kizibere mu Murenge wa Mbuye ho mu karere Ruhango baravuga ko bahawe imuriro w’amashanyarazi udahagije kuko uwo bafite utabasha kuba wakwatsa imashini isudira cyangwa se firigo.

Mu mpera z’umwka wa 2015 nibwo abaturage bo mu Murenge wa Mbuye ho mu karere ka Ruhango babonye umuriro w’amashanyarazi batandukana n’icuraburindi bari barabayemo igihe kirekire.

Gusa n’ubwo aba baturage bacana, amatara, bikiyoshesha, ndetse bakanashira umuriro mu matelefone yabo, abo mu kagari ka Kizibere, mu gasantire k’ubucuruzi ka Bereshi bavuga ko uyu muriro w’amashanyarazi wabafashije igice kimwe kuko hari ibikorwa by’iterambere batabasha gukora kubera ko uwo bahawe ari muke.

Munyabahire Jean Bosco ni umucuruzi w’inyobwa bitadukanye avuga ko uyu muriro w’amashanyarazi bahawe nta terambere ushobora kubagezaho kuko atabasha gucomeka firigo ye ngo abakiriya banywe agakonje.

Yagize ati “uyu muriro ni uwo kureba televiziyo no gucana gusa, kuko nk’ubu iyi firigo nyitaka kubera umuriro muke kandi hari abakiriya baba bashaka kunywa byeri ikonje cyane ko ari no mu mpeshyi.”

Undi muturage witwa Kalisa Xavier yabwiye Makuruki.rw ko uyu muriro muke udindiza iterambere ryabo kuko hari umuntu wari waje kuhakorera imirmo yo gusudira ariko umuriro ukamunanira akigendera.

Yagize ati “hari umuntu wazanye ibyuma bisidura inzugi n’amadirishya, ariko yahise yigendera umuriro waramunaniye.”

Umuyobozi wa EUCL ishami rya Ruhango Nyirangango Jean de Dieu yabwiye Makuruki.rw ko icyo kibazo ntacyo bari bazi dore ko abakozi babo bahora bahakurikirana buri munsi ahubwo ko byaba ari ubumenyi buke bw’abo baturage.

Yagize ati “ntago twari tubizi, ejo umutekinisiye wacu yavuyeyo kandi icyo kibazo ntacyo bamubwiye, ahubwo wasanga ari uko baba batazi kubicomeka bakavuga ngo umuriro ni muke.”

Umuyobozi wa EUCL ishami rya Ruhango Nyiringango jean de Dieu yongeyeho ko bagiye koherezayo abakozi babo babizobereye bakajya gusuzuma icyo kibazo kuko umuriro batanze ufite ubushobozi bwo gukora ibyo abaturage bavuga ko bidashoboka.

Yagize ati "kubera ko baba atari abatekinisye bashobora gucomeka ntibikunde akagirango ni ahantu bose, reka nze nohereze yo umutekinisye andebere."

N’ubwo hari abaturage bamaze gufata umuriro w’amashanyarazi hari abandi bahawe cash power ariko batari babasha gucana kuko ngo nta mikoro bafite

Yisangize Inshuti.

Ibitekerezo 1

  1. Ngini ubumenyibuke bwaturage?Ubuse ko aho ntuye(GASABO)kotwagize ikibazo nkico bakazana ibikoresho byokongera umuriro none umwaka urashize kandi iyo bwije ntiducana ,nonese natwe Ni ubumenyi buke?

Tanga Igitekerezo