Warning: imagejpeg(local/cache-gd2/b00c5e273f57fb59e19c9aad9494b7e4.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435

Warning: imagejpeg(local/cache-vignettes/L702xH468/arton11078-d18e2.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
BNR yasobanuye imvano yo guta agaciro kw’ifaranga ry’u Rwanda .|. Makuruki.rw | Amakuru Asesenguye!

BNR yasobanuye imvano yo guta agaciro kw’ifaranga ry’u Rwanda

Guverineri wa Banki nkuru y’igihugu (BNR) John Rwangombwa

Guverineri wa Banki nkuru y’igihugu (BNR) John Rwangombwa yatangaje ko ikibazo cyo gutakaza agaciro kw’ifaranga ry’u Rwanda kimaze iminsi kivugwa mu Rwanda cyaturutse ku kuba ibiciro by’ibyo u Rwanda rwohereza mu mahanga byaragabanutse mu gihe ibiciro by’ibyo u Rwanda rukura mu mahanga byiyongereye cyane.

Muri iyi minsi, ku isoko ry’ivunjisha ry’u Rwanda haragaragara ikibazo cy’izamuka ry’agaciro cy’idorali gihangayikishije abantu benshi, cyane cyane abakeneye kubona idorali ku isoko ry’ivunjisha.

Ibi ngo byatewe nuko agaciro k’ifaranga ry’u Rwanda kagabanutse biturutse ku kuba ibyo u Rwanda rwohereza mu mahanga byarataye agaciro kandi ibyo rutumizayo bikongera igiciro kandi hakenewe amadorali kugirango ibyo mu mahanga bigurwe

Ibi bivuze ko abanyarwanda bakeneye amadorari menshi kugirango batumize ibintu bituruka mu mahanga biri ku giciro gihenze, kandi nyamara ibyoherezwa mu mahanga byaratakaje agaciro.

Ibi ngo byateye izamuka ry’ikinyuranyo kiri hagati y’ibyo u Rwanda rwohereza mu mahanga n’ibyo rukurayo cyiyongeraho 11%.

Asobanura neza iyi ngingo, Guverineri Rwangombwa yagize ati: “Amafaranga dukura mu byo twohereza mu mahanga yagabanutseho 6,2% kubera ibibazo by’ibiciro by’ibyo twohereza mu mahanga, kandi ibyo twakuye mu mahanga bizamukaho 6,7%, ibi byatumye ikinyuranyo kiri hagati y’ibyo twohereza mu mahanga n’ibyo dukurayo cyiyongeraho 11% bikaba bitera iki kibazo mubona ku isoko ry’ivunjisha aho ifaranga ry’u Rwanda rigenda rita agaciro. Ubu ngubu aho tugeze ifaranga rikaba rimaze guta agaciro ku kigero cya 4,6% ugereranyije n’idorali, aho ni ho twari turi mu cyumweru gishize.”

Ku bijyanye n’umuvuduko w’ibiciro ku masoko, Guverineri Rwangombwa yavuze ko impuzandengo y’ibiciro ku isoko iri ku kigero cya 4,6% bikaba biri mu gipimo cya Banki nkuru y’igihugu kuko iteganya ko bitakagombe kurenga 5%.

Yagize ati: “Ikindi ni umuvuduko w’ibiciro ku masoko, tubona nubundi muri rusange byarakomeje kuba hasi ku mpuzangengo ya 4,6%, mu gihebwe gikurikira turashaka ko bizaba biri mu kigereranyo kiri hagati ya 3,8% na 4,8% bikaba bizaba bikiri mu gipimo njyenderwaho cya Banki nkuru y’igihugu cyuko bitakagombye kurenga hejuru ya 5%”

Guverineri Rwangombwa kandi yavuze ko ibigo by’imari n’ama Banki bikomeje gushyigikira ibikorwa by’ubukungu kuko imyenda ama Banki atanga ku bikorera yazamutseho 18% mu mezi atanu ya mbere ya 2016 bikaba ngo bigaragaza ko ama Banki arimo kuzamura icyizere n’imikoranire afitanye n’abikorera.

Leta y’u Rwanda yashyizeho ingamba zo guhangana no kugabanya ibyo igihugu gitumiza mu mahanga binyuze muri gahunda ya Made in Rwanda yo kongerera agaciro ibikorerwa mu Rwanda hakagabanywa ibitumizwa mu mahanga.

NIYITANGA Jean Paul

MAKURUKI.RW

Yisangize Inshuti.

Ibitekerezo

Tanga Igitekerezo