Kwamamaza

IYOBOKAMANA

Ubucuruzi bureze mu madini n’insengero:Ijambo ry’Imana ribuvugaho iki?

Yanditswe

kuya

Ubucuruzi  bureze mu madini n’insengero:Ijambo ry’Imana ribuvugaho iki?

Mugihe benshi bagana insengero bazi ko bagiye guhura n’abakozi b’Imana bazabafasha kuyimenya no kuyikorera uko bikwiye; Muri iyi menshi henshi siko bimeze; usanga byarahindutse ubucuruzi bukomeye.

Nyamara Bibiliya igaragaza ko Yesu we yacyashye ndetse anamenenganisha abitwaza inzu y’Imana bakayikoresha mu kwishakira indonke .

Matayo 21:12-13 handitse hati" Nuko Yesu yinjira mu rusengero rw’Imana, yirukanamo abaruguriragamo bose, yubika ameza y’abavunjaga ifeza n’intebe z’abaguraga inuma, arababwira ati “Byanditswe ngo ‘Inzu yanjye izitwa inzu yo gusengerwamo’, ariko mwebwe mwayihinduye isenga y’abambuzi.”

Zimwe mu mvugo ziri kumvikana mu iki gihe ziragaragaza ko ubucuruzi bwafashe indi ntera; aho inzu y’Imana benshi bayihinduye business ( Ubucuruzi ); Imwe mu mvugo iriho iragira iti " ESE WABUZE AKAZI UBURA N’AGATORERO WATANGIZA ? ".

Iyi mvugo kimwe n’izindi nyinshi ziriho zisa nayo; Bigaragaza neza ko zimwe mu nsengero n’amadini byaba birimo kwikorera ubucuruzi mu buryo abagizwe nk’igishoro ( Abanyetorero&Amadini ) batarasobanukirwa neza ibiri kubakorerwaho.

Ibyakozwe n’intumwa 18:18-20 hagira hati " Ariko Simoni abonye yuko abarambitsweho ibiganza by’intumwa bahabwa Umwuka Wera, azizanira ifeza arazibwira ati “Nanjye nimumpe ubwo bubasha ngo uwo nzarambikaho ibiganza ahabwe Umwuka Wera.” Petero aramubwira ati “Pfana ifeza yawe, kuko wagize ngo impano y’Imana iboneshwa ifeza."

Impano z’Imana mu gihe Bibiliya igaragaza ko zitagurwa ifeza cyangwa ikindi kiguzi icyo ari cyo cyose, nyinshi mu nsengero zamaze gutanga ibiciro kubifura kurambikwaho ibiganza bakeneye gukorerwa ibitangaza no gusengerwa! Ese ibi byaba bitandukaniye he no kuraguza ko hambere no guha amaturo abapfumu?

Ku bakeneye ibitangaza by’ako kanya abo bacuruza izo mpano bashyizeho n’igiciro ku kiganza gishyushye cyihutisha kubona igitangaza (ikiganza cya express ).

Abantu bakwiye kuba maso bagashaka Imana ikora ibitangaza aho kwirukira mu biyitirira ibitangaza " Erega ibishashagirana byose siko ari zahabu " Ese birakwiye koko ko abafite impano z’Imana bazigurisha amafaranga niba koko barazihawe n’Imana, bo se yaba yarazibahereye amafaranga?

Ikibabaje nuko abakora ayo mahano badatinya no kubitangaza no mu ruhame, bakirirwa bakwirakwiza nimero zabo za telefone ngo abashaka ibitangaza bababone byoroshye, bamara guhura nabo bamaze kubamaraho utwabo rimwe na rimwe bakanabakorera ibyaha by’urukozasoni ( Ubusambanyi; Kubanywesha imiti ikabagiraho ingaruka ); Abo baba bagiye babagana bakagaruka bataka kandi baraburiwe ntibumve.

Wowe ugize amahirwe yo kubimenya ibi bitarakubaho; urusheho kuba maso no gusenga Imana mu kuri no mu Mwuka; Kuko bene abo Imana ishaka ko aribo bayisenga.

Hoseya 4:7 " “Ubwoko bwanjye burimbuwe buzize kutagira ubwenge. Ubwo uretse ubwenge, nanjye nzakureka we kumbera umutambyi. Ubwo wibagiwe amategeko y’Imana yawe, nanjye nzibagirwa abana bawe. Uko bakomeje kugwira ni ko bagwije kuncumuraho. Ni cyo gituma ubwiza bwabo nzabuhindura nk’ibikoza isoni."

Hari nabasigaye bakuramo amakote ngo kuyakoraho ukishyura ngo ukunde ubone igitanganza; ubwo buryo n’ubundi bwinshi bukoresha nk’ubucuruzi bwo gukuramo abantu amafaranga n’ubuyobe bukomeye kandi bukaba buhabanye n’amahame y’ijambo ry’Imana; Kwitanga mu nzu y’Imana no gutanga amaturo ni byiza ariko nukurushaho kuba maso cyane muri iyi minsi y’imperuka.

Hari abirirwa bafotora impfubyi n’abatishoboye; Ayo mafoto na firime byamara gusabishwa inkunga, amafaranga yari ay’impfubyi n’abapfakazi akaba ayo kugura imirimbo y’igiciro cyinshi; gusimburanywa imyenda y’ibiciro; Kohereza abana babo kwiga muri Amerika n’iburayi; Mbega umuvumo gukira muby’impfubyi n’abapfakazi; mugihe bo bari mu bukene n’amarira; abantu barangiza bakagenda bikomanga ku gituza babeshyera Imana ngo yabahaye umugisha!

Bibiliya ivuga yeruye ko abakorera Imana bishakira inyungu n’ibiguzi; ibyo ko bibazanira umuvumo; Muze dushake ubwami bw’Imana no gukiranuka ibindi byose tuzabyongererwa.

2 Abami 5:26-27 Aramubwira ati “Umutima wanjye ntiwajyanye nawe, ubwo wa mugabo yahindukiraga akava ku igare rye akaza kugusanganira? Mbese iki gihe ni igihe cyo kwakira ifeza n’imyambaro, n’inzelayo n’inzabibu, n’intama n’inka n’abagaragu n’abaja? Nuko ibibembe bya Nāmani bizakomaho no ku rubyaro rwawe iteka ryose.”Maze amuva imbere ahindutse umubembe, yera nk’urubura. "

Like facebook:Buroyumutima Richard
Like page:Gospel Tone

Umwarimu akaba n’umwigisha:Richard BUROYUMUTIMA
From:Gethsemane Gospel Ministries
Ukeneye ibindi bisobanuro cyangwa gutanga ubwunganizi
Contacts:0722356430 (Whatsapp);0781561919

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza