Papa Francis yemeje ko nyakwigendera Teresa agizwe umutagatifu

Nyakwigendera Teresa wagizwe umutagatifu

Kuri iki cyumweru tariki 4 Nzeli 2016, Mu gitambo cya Misa yabereye muri kiliziya ya mutagatifu Petero, umushumba wa Kiliziya Gatulika ku Isi Papa Francis yemeje ko umubikira Mama Teresa ukomoka mu gihugu cy’u Buhinde agirwa umutagatifu ku mugararagaro nyuma y’aho aboneye ikimenyetso cyemeza ko agomba kuba umutagatifu kubera ibikorwa by’urukundo yakoze.

Umushumba wa Kiliziya Gatorika Papa Francis yagize ati: " K’ubw’ubutatu butagatifu, dutangaje ko Tereza (Teresa) w’i Kalkuta aba umutagatifu kandi tumwinjije mu nteko y’abatagatifu, dutangaje kandi ko akwiye icyubahiro muri kiliziya yose."

Uyu mubikira Teresa yamenyakanye cyane ku bikorwa by’urukundo yagiye akorera abantu batandukanye mu gihugu cy’u Buhinde no hanze yacyo harimo ibikorwa by’ubuvuzi, kwita ku batagira kivurira, abasheshe akanguhe ndetse n’abafite ubumuga.

Papa Francis yemeje iri shyirwa mu batagatifu ry’uyu mubikira Teresa mu Kuboza 2015.

Yapfuye aba mu gace ka Calcutta aho yari yarahisemo kuzasoreza urugendo rw’ubuzima bwe akaba yarahakoreraga ibikorwa byo gukusanya amafaranga yo gufasha abatishoboye.

Abakirisitu babarirwa mu bihumbi nibo bitabiriye uyu muhango, benshi mu bo yafashije bagiye bamutangira ubuhamya ndetse banatangaza ko bishimiye kuba agizwe umutagatifu.

Lewis ni umupirote i London yabwiye AFP ati: " Teresa yajyaga amfata ukuboko buri cyumweru tukajya gusenga, ni we ubwe wajyaga akurikirana uko mvurwa mu gihe nari narabazwe."

Teresa yavutse 1910 avukira mu gace ka Skopje muri Macedoniya, yigishije mu gihugu cy’Ubuhindi imyaka 17 mbere y’uko atangira umuhamagaro we wo kuba umubikira no gutangira ibikorwa bye by’urukundo byo kwita ku barwayi n’abakene, yaje gushinga ibigo bitandukanye byita ku bafite ubumuga bwo kutabona, abashaje, abarwayi n’abakene.

Mu 1979 yahawe igihembo cya Nobel kubera ibikorwa by’indashyikirwa yakoze yita ku bantu, yapfuye mu 1997. Mu Kwakira 2003 ni bwo batangije urugendo rwo kumugira umutagatifu.

Mu Kuboza 2015 ni bwo Papa Francis yabonye igitangaza cya 2 cya Mama Teresa gishimangira uburyo agomba kugirwa umutagatifu Tariki 4 Nzeli 2016.


Papa Francis (hagati) mu muhango wo kugira Mama Teresa umutagatifu
Umunyamabanga mukuru w’umuryango w’abibumbye Ban Ki Moon yavuze ko ibiganiro bihuriweho ari byo byonyine bishobora gutuma amatora ya Kongo aba mu mucyo no mubwisanzure.

Mu itangazo yashyize ahagaragara kuri uyu wa 03 Nzeli 2016, umunyamabanga mukuru wa w’Umuryango w’abibumbye (UN) Ban Ki Moon yavuze ko haramutse hatabayeho ibiganiro bihuriweho n’impande zihanganye, amatora ateganyijwe muri Kongo atazaba mu mahoro.

Ati: " Ibiganiro bihuriweho byonyine nibyo bizatuma amatora aba mu mahoro, mu mucyo no mu bwisanzure"

Moon yasabye imitwe ya politiki ititabira ibiganiro kwisubiraho nayo ikagira uruhare mu biganiro bigamije amahoro no gutegura amatora mu mahoro kandi akabera ku gihe.

Ban Ki-moon yasabye guverinoma ya Kongo gukomeza kubaka icyizere mu baturage yubahiriza amahame y’uburenganzira bwa muntu nkuko buvugwa mu itegeko nshinga kugirango ibiganiro bizagende neza ku buryo bwizewe.

Ibiganiro bya politiki bihuriweho byatangiye tariki 01 Nzeli i Kinshasa, ariko bitangira hari imitwe ya politiki imwe n’imwe itavuga rumwe n’ubutegetsi itabyitabiriye.

Aba banze kwitabira ibi biganiro baravuga ko batemera Edem Kodjo nk’umuhuza muri ibi biganiro ndetse bakavuga ko batazigera bitabira ibiganiro mu gihe imfungwaza politiki zizaba zitarafungurwa zose ndetse bakanasaba ko ibinyamakuru byafunzwe byongera guhabwa uburenganzira bwo kongera gukora.

Mu minsi ishize urukiko rwategetse ko hafungurwa zimwe mu mfungwa za politiki ariko abatavuga rumwe n’ubutegetsi bavuga ko kuba Leta yarafunguye zimwe mu mfungwa za politiki izindi zigasigara ngo ni ukubakinga ishashi mu maso ngo bakunde bemere ibiganiro ariko na bo ngo ntibazigera babyitabira izindi mfungwa zitararekurwa.



IKalkuta ahabereye uyu muhango abantu bari benshi

Mu bice bitandukanye by’isi bifashishije amasheni ya televiziyo kugira ngo bakurikirane uyu muhango

Yisangize Inshuti.

Ibitekerezo

Tanga Igitekerezo