Rabagirana Ministries irajwe ishinga no kubona Abanyarwanda bakira ibikomere

Umuryango wita ku isanamitima n’ubwiyunge, Rabagirana Ministries watangiye ibikorwa byawo ku mugaragaro kuri uyu 04 Ugushyingo 2016.

Uyu muryango uzajya utanga inyigisho zigarurira icyizere abafite ibikomere bitandukanye ku mitima, ndetse bakita ku kugarura ubumwe n’ubwiyunge mu bantu.

Uyu muryango uje gukorera mu ngata Mercy International Ministries nawo wari ufite intego zo gufasha mu isanamitina n’ubwiyunge.

Umuryango wa Mercy International Ministries wafunze ibikorwa byawo mu karere k’ibiyaga bigari, ariko ngo ntibazajya kure y’ababasimbuye nk’uko byemezwa n’umuyobizi wawo ku rwego rw’isi Dr Eric Spruyt

Pastor Joseph Nyamutera uyobora Rabagirana Ministries yavuze ko ikibaraje ishinga ari ukubona Abanyarwanda bakira ku mutima ndetse bakaniteza imbere.

Yagize ati "Twe twifuza ko Abanyarwanda bafite ibikomere ku mitima batewe n’ibihe banyuzemo, babikira bakaba nk’abantu bakiteza imbere."

Akomeza kandi avuga ko hari n’izindi gahunda Rabagirana Ministries izatangiza byose bigamije gutuma abantu bahinduka ku mutima ndetse n’imibereho yabo ikaba myiza.

Ibirori byo gutangiza ku mugaragaro ku mugaragaro Rabagirana Ministries byahuriranye no gutanga impamyabumenyi ku banyeshuri basoje mu ishuri rya Bibiliya rishamikiye kuri uyu muryango,ryiswe Rabagirana Bible College.


Dr Eric Spruyt uyobora Mercy Ministries International ashimira Pastor Joseph Nyamutera washinze akaba n’Umuyobozi wa Rabagirana Ministries

Yisangize Inshuti.

Ibitekerezo

Tanga Igitekerezo