Mufti w’u Rwanda yahumurije abafitiye ubwoba abasilamukazi bambara bakipfuka isura

5

Bamwe bakunda kugirira ubwoba abayisilamukazi bambara bipfutse isura

Umuyobozi w’idini ya Islam mu Rwanda Sheikh Hitimana Salim, aravuga ko nibigaragara ko hari abihisha mu migenzo y’imyambarire y’abakobwa b’abayisilamu yo kwipfukirana isura yose (Niqab) bakaba bakora ibikorwa bibi ngo abamenyi b’idini bazicara batore itegeko rikuraho iyi myambarire.

Iyi myambarire ikunze kugaragara ku bakobwa cyangwa abagore b’abayisiramu aho bambara bakipfuka umubiri wose kugeza mu isura ku buryo utabona umubiri uretse amaso yonyine.

Iyi myambarire ni imwe mu migenzo y’idini ya Islam gusa ntivugwaho rumwe n’abatari abayoboke b’iri dini kuko hari ababona hari ushobora kwitwikira iyi myambarire agakora ibikorwa bibi.

Mukankusi Anne Marie twamusanze mu mujyi wa Kigali rwa gati atubwira kuri iyi myambarire, aho yagize ati:” Nanjye mbibona kuriya baba bipfutse isura yose ntiwamenya ngo ni muntu ki muri kumwe, n’ibyo yakora bibi cyangwa byiza ntiwamenya ubikoze kandi muri uyu mujyi hateye abatekamutwe aramutse aguhemukiye rero wacyura umunyu kuko wamenya ari inde ubikoze se?”

Undi nawe utashatse ko amazina ye atangazwa yagize ati:” Jyewe rero mbona bakwiye gushaka ukundi bambara bakajya bareka kwipfuka kuko urabizi muri iyi minsi hateye abantu b’ibyihebe bica abantu kandi twumva bikorwa n’abo mu idini y’abasilamu, ubwo rero ntawamenya na bariya babikora ntihagire n’ubamenya ikindi mbona bishobora guteza impanuka kuko mbona bataba babona.”

Aba baturage twaganiriye bagaragaje ko kuba aba bantu baba bipfutse hose ngo mushobora kugendana ntube wamenya ikintu afite kuko imyenda iba imupfukiranye babigiraho impungenge kuko ngo abaye ari umuntu utari inyangamugayo ntawamumenya kuko isura iba itagaragara.


Mufti w’u Rwanda Sheikh Hitimana Salim avuga ko nibigaragara ko iyi myambaro itera ibibazo ngo bazayikuraho

Umuyobozi w’idini ya Isilamu mu Rwanda Sheikh Hitimana Salim avuga ko mu idini ya Islm mu Rwanda hari ibintu biba ari itegeko kubikora ariko hakaba n’ibindi bifatwa nk’imigereka ukora kugira ngo ubone umugisha.

Uyu muyobozi ariko avuga ko bafite abantu babafasha gukora amategeko kandi ko baramutse babonye iyi myambarire ishobora gukurura ibikorwa by’ubugizi bwa nabi cyangwa ibindi bibi ngo bazicara bakabihindura gusa ariko na we akemera ko ibyo bintu bishobora guteza ibibazo.

Ati:”Ibyo ng’ibyo bavuga bati hari ushobora kubyitwikira agakora ibikorwa bibi birashoboka, ……N’ibyo ng’ibyo uvuze bijyanye wenda n’imyambarire na byo biramutse bigaragaye ko bigera kuri icyo gipimo cyo kubikoresha mu rwego rw’ibikorwa bibi, biramutse bigaragaye abamenyi barahari bazicara bagakora itegeko bakaba bagikorera ubugorora ngingo bakavuga bati wenda iki kintu turabona kitaduha agaciro bakavuga bati hakorwe iki bagatanga umurongo ngenderwaho.”

Kugeza ubu bimwe mu bihugu byo ku mugabane wa Afurika byamaze gukuraho iyi myambarire kubera ikibazo cy’iterabwoba rikomeje kwiyongera muri ibyo bihugu.

Bimwe mu bihugu byakuyeho iyi myambarire ku mpamvu z’umutekano birimo Cameroun, Congo Brazza Ville, Gabon, Chad, Nigeria ndetse na Guinnea.

Yisangize Inshuti.

Ibitekerezo 5

  1. Asalam alaikum w.w... ntacyo navuga gusa Ku cyemezo cya mufti. nonese abahakanyi nibivanga no mu masengesho azayakuraho. ryari se abakafiri bazishimira Islam? Allah anasema .bifuza ko twarutadi tukaba nkabo

  2. Asalam alaikum w.w... ntacyo navuga gusa Ku cyemezo cya mufti. nonese abahakanyi nibivanga no mu masengesho azayakuraho. ryari se abakafiri bazishimira Islam? Allah anasema .bifuza ko twarutadi tukaba nkabo

  3. Asalam alaikum w.w... ntacyo navuga gusa Ku cyemezo cya mufti. nonese abahakanyi nibivanga no mu masengesho azayakuraho. ryari se abakafiri bazishimira Islam? Allah anasema .bifuza ko twarutadi tukaba nkabo

  4. Asalam alaikum w.w... ntacyo navuga gusa Ku cyemezo cya mufti. nonese abahakanyi nibivanga no mu masengesho azayakuraho. ryari se abakafiri bazishimira Islam? Allah anasema .bifuza ko twarutadi tukaba nkabo

  5. Andika Igitekerezo Hano
    ntakibazo mbibonamo njyewe
    kuko imyaka abauislamu kazi bamaze babyambaye ntitwigeze twumva ko bateje ibibazo

Tanga Igitekerezo