Minisitiri w’Intebe yifatanyije n’abakiristu ba Diyoseze ya Gikongoro mu kwihiza imyaka 25 imaze ishinzwe

1

Kuri uyu wa gatandatu 01 Nyakanga 2017 Diyoseze ya Gikongoro yizihije Yubile y’imyaka 25 imaze ishinzwe, aho imbaga y’abakiristu n’abayobozi mu nzego zitandukanye z’igihugu bahuriye kuri Stade ya Nyagisenyi mu Karere ka Nyamagabe mu kwizihiza ibyo birori, umushyitsi mukuru muri ibi birori akaba yari Nyakubahwa Minisitiri w’Intebe Anastase Murekezi.

Abakiristu barasabwa gukomeza gushyigikira ubumwe n’ubwiyunge bw’Abanyarwanda no kurwanya sekibi washaka kongera gutanya Abanyarwandai.

Minisitiri w’Intebe Murekezi yashimiye Kiliziya Gaturika uruhare igira mu rwego rw’Uburezi, Ubuzima, Imibereho Myiza y’abaturage n’ubukungu kuko ari umusanzu ukomeye ku iterambere ry’u Rwanda.

Avuga ku mikoranire ya Leta na Kiriziya Gatorika ndetse n’andi matorero Minisitiri w’Intebe yagize ati: “Leta y’u Rwanda yiyemeje gufatanya na Kiliziya Gatolika n’andi Matorero n’Amadini yose, mu bikorwa bituma Abanyarwanda barushaho gutera imbere no kugira imibereho myiza nka Mutuelle de Santé, Girinka, amashuri y’imyuga, amazi meza, isuku, guhinga, korora kijyambere no kwizigamira.’’

Minisitiri w’Intebe yibukije abakirisitu ko Yubile ari umwanya mwiza wo kwishimira ibyiza biba byaragezweho kandi wo kwinenga kubitaragenze neza, kubisabira Imana n’abantu imbabazi no gufata ingamba zo kubikosora.

Umuyobozi wa Guverinoma yakanguriye abakirisitu kwitabira gahunda ya Ndi Umunyarwanda kuko ifite uruhare runini mu bumwe n’ubwiyunge bw’abanyarwanda Leta yiyemeje.

Minisitiri w’Intebe yashimiye kandi Musenyeri wa Diyosezi ya Gikongoro Celestin Hakizimana ku rukundo agaragaza cyane cyane urwo yagaragaje muri Jenoside yakorewe Abatutsi muri 1994 ubwo yahagararaga ku bantu bari bahungiye muri Paruwasi ya Saint Paul..

Iyi Diyoseze ya Gikongoro yizihije imyaka 25 imaze ishinzwe, yashinzwe na Mutagatifu Papa Yohani wa II wanasuye u Rwanda mu 1992 ubwo yari akiri Papa.

Abakrisitu bari bitabiriye ari besnhi cyane cyane harimo n’abanyeshuri bo mashuri Gaturika.

Guverneri w’Amajypefo na Meya wa Nyamagabe Philbert bari bitabriye ibi birori

Abashumba ba Kiliziya Gaturika b’andi ma disosze bari bitabiriye ibirori

Minisitiri w’Intebe yagenewe impano

Yisangize Inshuti.

Ibitekerezo 1

Tanga Igitekerezo