Kwamamaza

IYOBOKAMANA

Leta y’Uburusiya irashaka guhagarika Itorero ry’Abahamya ba Yehova

Yanditswe

kuya

na

Ferdinand Maniraguha
Leta y’Uburusiya irashaka guhagarika Itorero ry’Abahamya ba Yehova

Tariki 15 Werurwe 2017 Minisitiri w’Ubutabera mu Busuriya yagejeje ikirego mu rukiko rw’Ikirenga, asaba ko Itorero ry’Abahamya ba Yehova muri icyo gihugu rifatwa nk’umutwe w’intagondwa.

Minisitiri w’ubutabera kandi yasabye ko ibiro bikuru by’iryo torero ndetse n’amashami yaryo agera kuri 395 mu gihugu afungwa.

Bamwe mu banyamategeko n’abagize Inteko Ishinga Amategeko muri Amerika banenze icyo cyemezo ndetse banavuga ko kibangamiye ubwisanzure no gukora by’amadini.

Itorero ry’Abahamya ba Yehova ryavukiye muri Amerika mu mwakwa 1870.Rizwi cyane kubera imyigishirize yaryo aho bagenda bigisha mu misozi no mu ngo z’abantu, kutivanga mu bya gisirikare, kutaririmba indirimbo yubahiriza igihugu, kudatanga amaraso n’ibindi.

Iyi myemerere yabo yanagize ingaruka ku bayoboke b’iryo torero bari batuye mu Burusiya bukitwa Leta y’Ubumwe bw’Abasoviyeti kuko babitoterejwe.

Chris Smith, umushingamategeko muri Leta ya New Jersey muri Leta Zunze Ubumwe za Amerika yavuze ko Uburusiya niburamuka buhagaritse Abahamya ba Yehova, bizaba ari ikibazo ku bandi banyamadini, ukaba n’umunsi mubi mu mateka y’Uburusiya.

Iryo dini niriramuka rihagaritswe, abayoboke baryo bagera ku 175,000 mu Burusiya bashobora gutangira kujya bafungwa bazira imyemerere yabo nkuko Ijwi rya Amerika yabitangaje.

Valery Borshchev, uharanira uburenganzira bwa muntu mu Burusiya yabwiye VOA ko imyemerere y’Abahamya ba Yehova ntaho ihuriye n’ubutagondwa.

Yavuze ko kubahagarika binyuranyije amategeko icyo gihugu kigenderaho ndetse n’Itegeko Nshinga.

Uburusiya ni kimwe mu bihugu byasinye amasezerano ya Helsinki, yemera ubwisanzure bw’amadini n’abantu bwo gusenga bagendeye ku myumvire yabo.

IBITEKEREZO

  • Nirere Pasi Yanditse:

    Imana Yehova Azabafasha

  • Nshimiyimana Claude Yanditse:

    Yehova Niwe Ubafasha Ntibirwanirira.

  • Niyonshuti Peter Yanditse:

    gutotezwakwa kwa BAHAMYAbaYEHOVA birasubiriyese ntibabyinubire n,imperukay,ISI nibahumure YESU yanesheje ISI.

  • pascal Yanditse:

    Abahamya ba Yehova ntabwo ari intagondwa kdi urebye neza ubona ntakintu kinini babangamiraho Leta cg abaturage bagenzi babo. Gusa kandi hari ukuntu bafunga umutwe bisaba Leta kubihanganira nkumubyeyi

  • manzi isaiah Yanditse:

    YHWH please release our brothers and sisters

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza