Imyumvire n’imitekerereze mibi icamo abantu ibice bikomoka he ?

" Abaroma 12:3 Ntimugakurikize imibereho y’ab’iki gihe, ahubwo mureke Imana ivugurure ibitekerezo byanyu mube muhindutse rwose. Ni bwo muzashobora kumenya neza ibyo Imana ishaka, kugira ngo muhitemo ibyiza biyishimishije kandi bitunganye rwose. "

Umwuka wose uzana imyumvire mibi n’imitekerereze bizana amacakubiri no kurema ibice mu bantu; ni umwuka uva kuri sekibi Satani. Imana ni urukundo kandi idusaba kuba umwe no gukundana nkuko yadukunze. Iyo abantu basabye Imana ubumwe irabikora kandi niyo bitandukanije n’imitekerereze mibi bakarwanya izo ntekerezo mbi Imana ibambika imbaraga; Kuko icyo Satani agambirira iteka ni ugusenya.

" Yahani 10:10 " Umujura azanwa gusa no kwiba no kwica no kurimbura. Jyewe nazanywe no kugira ngo intama zibone ubugingo, ndetse busendereye."

Imana yahaye umuntu ububasha bwo guhitamo ikiza n’ikibi; hari ibibi duhitamo tukabyizanira nyuma tukabeshyera satani ko ariwe wabidushutse; Tukirengagiza ko buri muntu wese afite imbaraga n’ububasha byo guhitamo aho akwiye kuganisha imitekerereze ye; Arwanya ikibi agakora icyiza.

Imana isaba gukundana no kwikuramo ibyo dutekereza biterekeza ku byiza; Kuko ibyo dutekereza nibyo bitugize; Wabashije kunesha ibitekerezo byawe; Aba ari itangiriro ry’ubutsinzi bwose no kunesha ibibi.

" Matayo 6:21 " kuko aho ubutunzi bwawe buri ari ho n’umutima wawe uzaba."

Wowe ufite umutima wuzuye gusharira; Imana ifite umugambi mwiza wo kuguhindura mushya no kukuruhura; Kuko yarirahiye ko izadukuramo umutima umeze nk’ibuye; Igatanga umutima mushya na Roho nshya. Iyo umuntu atekereza akanagambirira nabi; nta mahoro ashobora kugira; Uburyo bwiza bwo gutunga amahoro ni ukuyabiba mu bandi Kuko icyo umuntu abiba iteka nicyo asarura " Ugira neza ineza ukayisanga imbere "

Buri myumvire na buri mitekerereze iba ifite umwuka uyiri inyuma; Yaba umwuka uva kuri Satani cyangwa w’Imana; Satani ni we se w’ibibi byose, ariko icyo Imana idusaba ni ukwitandukanya n’ikibi cyose; Tuneshesha ibitekerezo bibi gukora ibyiza.

Imana yahinduye Sawuli ikamuhindura intumwa yayo Pawulo niko yiteguye guhindura buri wese; Wifuza guhindurwa nawe; Ushaka Imana wese azayibona.
" Yohana 13:35 " Ibyo ni byo bose bazabamenyeraho ko muri abigishwa banjye, nimukundana."

Ntushobora gukunda Imana utazi mugihe utarabasha gukunda mwene so mu bana .
Mariko 12:31 " Irya kabiri ni iri: ‘Ujye ukunda mugenzi wawe nk’uko wikunda.’ Nta rindi tegeko riruta ayo yombi. "

Bityo urukundo ruhebuje byose kuba ingenzi; dukwiye gukundana urukundo rw’abana b’Imana; Bityo tukarwanya imitekerereze mibi n’igisa nacyo; Tukabaho mu rukundo buri wese agashyira imbere mugenzi we.

Matayo 12:25 " Amenye ibyo bibwira arababwira ati “Ubwami bwose iyo bwigabanyije ubwabwo burarimbuka, n’umudugudu wose cyangwa inzu yose, iyo byigabanyije ubwabyo ntibigumaho."

Like facebook: Buroyumutima Richard

Like page: Gospel Tone

Umwigisha akaba n’umuvugabutumwa : Richard BUROYUMUTIMA

From: Gethsemane Gospel Ministries

Ukeneye ibindi bisobanuro cyangwa gutanga ubwunganizi
Contacts:0722356430 (Whatsapp);0781561919

Yisangize Inshuti.

Ibitekerezo

Tanga Igitekerezo