Nyuma y’ubuzima bukakaye yanyuzemo Airtel Touching Lives yahinduye ubuzima bwe

Adele Mukamusonera (hagati) wahinduriwe ubuzima na Airtel Touching Lives
Adele Mukamusonera ni umuturage utuye mu mujyi wa Kigali ahazwi nka Mont Kigali, ni umwe mu banyarwanda babashije kurokoka jenoside yakorewe abatutsi mu 1994 kuri ubu akaba akibana n’ibikomere yasigiwe na Jenoside.

Mu gihe cya jenoside Adele yaje guhura n’ibyago byo kwandura Virus itera SIDA nyuma yo gufatwa ku ngufu n’umubare munini w’abagabo baniganjemo abana nkuko abivuga. Adele yakomeje avuga inkuru ye ibabaje irebana no kuba yaratawe mu musarane ahetse umwana ndetse mbere y’uko afatwa ku ngufu akaba yarahatiwe gukuramo imyenda yose.

Yagize ati: “ Nari mufite(umwana we) ku mugongo, ubwo badufataga namushyize ku gituza baduta mu musarane, akaboko kanjye karavunitse ariko ntitwapfuye, nagerageje kuvamo njye n’umwana wanjye dusubira mu rugo, ubwo nasubiraga mu rugo najyanye umwana wanjye Girbert kwa mama umbyara njya hepfo ku muhanda gushaka icyo kurya. Ubwo nari ngeze ku muhanda wa 2 barambonye( abajenosideri) bansabye gukuramo imyenda batangira kuntera amabuye.”

N’ikiniga cyinshi kivanze n’amarira Mukamusonera yakomeje agira ati: “ Nafashwe ku ngufu n’abagabo 3 uwa kane yaje ari umwana w’imyaka 7, data umbyara nawe yari hafi yange ariko akubitwa mugihe nanjye bamfataga ku ngufu. Yakomezaga avuga ko byaba byiza bamwishe aho kugira ngo banyice.

Imwe mu miryango ye ya hafi ntiyarishoboye ku mubonera ibyangombwa nkenerwa harimo no kumucumbikira we na nyina wari ufite imyaka 80. Nubwo banywaga igikombe k’igikoma ku munsi yari afite inzozi zo kuzagira iye nzu ndetse n’ibyo kurya bihagije nk’indi miryango isanzwe.

Inzozi za Adele zabaye impamo ejo bundi biciye muri gahunda ya Airtel’s touching lives inyura kuri Televiziyo y’u Rwanda ( TVR) aho yabaye uwambere wungukiye muri iyi gahunda kuva itangiye muri Mata uyu mwaka.

Airtel Rwanda Touching Lives ihemba abantu bakoze ibishoboka byose mu bihe bikomeye barimo ngo bagire ubuzima bwiza .

Adele yagize ati: “ Ibi sinabitekerezaga, sinarinzi ko hari abantu bagifite umutima wo gufashanya nk’uko nafashijwe, nahoraga mfite inzozi zo kuzabona inzu yange n’ibyo kurya bihagije kimwe n’abandi bantu basanzwe.”

Airtel Touching Lives kandi yasuye umuryango wa Jean de Dieu na Mukampabuka Rusi, abaturage batuye mu karere ka Kicukiro, umurenge wa Gatenga muri Nyarurama. Umuryango wa Jean de Dieu ufite abana 4 aho 2 umuhungu n’umukobwa bafite ubumuga. Umukobwa ntabasha kugenda, kwicara no kuvuga kimwe n’umuhungu ntabasha kuvuga no kwicara.

Mukampabuka Rusi nawe Airtel Touching Lives yahinduye ubuzima bwe
Mukampabuka yagize ati: “ Mu gihe umwana we yari afite imyaka 6 yararwaye, yakundaga kugwa hasi buri uko yabaga agiye kwicara kimwe n’abandi bana. Natangiye gutekereza ko yaba afite uburwayi bwo mu mu mutwe, abaganga baje kumbwira ko mu gihe namubyaraga yagize ikibazo cyo kubura umwuka bigatuma avukana ubu bumuga."

Jean de Dieu nawe yagize ati: “ Ni ikibazo iyo ufite abana babana n’ubumuga, njye n’umufasha wanjye tumeze n’abaziritse, nta numwe muri twe wajya gushaka akazi mu gihe undi yasigara arera abana.’

Mu myaka bamaze ubuzima ari ingume Jean de Dieu n’umuryango we babonye urumuri ubwo Aitel Touching lives yahinduraga ubuzima bwabo ibishyurira amafaranga y’ishuli mu kigo cya Inkuru nziza Ortopedic Hospital aho abana bafite ubumuga bashobora kwiga bakanahabwa ubuvuzi bwo kugororwa ( Kinesitherapy). Mu bindi bungutse binyuze muri Airtel Touching lives yabafashije kubona NI igare ryagenewe abafite ubumuga kugira ngo rijye rimufasha kujya ahantu hatandukanye.

Ikindi kandi umuryango wa Jean de Dieu wafashijwe gukora ubucuruzi buciriritse buzabafasha gukomeza kubaho mu buzima bwa buri munsi.

Umuyobozi wa Airtel Michael Nii Boye nawe yavuze ko hari abaturage benshi bagikeneye ubufasha kugirango bakomeze kubaho.

Yagize ati: “ Hari abaturage benshi bakeneye ubufasha bwa rubanda kugira ngo babashe kubaho, ari yo mpamvu turi gufasha aba bose bakeneye ubufasha bwacu.”

Airtel Touching lives initiative izagaragaza ubundi buhamya bubiri mu ruhererekane kuri TVR saa 7: 30 z’umugoroba no kuwa gatatu kuri TV1 saa 6:30 z’umugoroba bikazaba mu byumweru 11.

Ibijyanye na Bharti Airtel

Bharti Airtel n’ikigo mpuzamahanga mu itumanaho gikorera mu bihugu 20 byo ku mugabane wa Asiya no muri Afurika, kikaba gifite ikicaro gikuru mu mugi wa New Dheli mu Buhinde .Iki kigo kiri mu bigo 3 bya mbere bikwirakwiza serivisi z’itumanaho rigendanwa ku isi yose.

Mu Buhinde iyi sosiyete itanga serivizi zirimo murandasi yihuta cyane 2G,3G na 4G hakoreshejwe telefoni ngendanwa cyo kimwe no mu bindi bice byo ku isi. Mu mpera za Nyakanga Bharti Airtel yari ifite abafatabuguzi iha serivisi basaga miliyoni 333.

Ushaka kugira byinshi umenya kuri iyi sosiyete wayisura kuri uru rubuga,www.airtel.com;www.facebook.com/airtelrwanda and www.twitter.com/airtelrw.

Yisangize Inshuti.

Ibitekerezo

Tanga Igitekerezo