Ntibisanzwe! Airtel yazaniye abakiriya bayo inyongera ya 500%

Umuyobozi ushinzwe ubucuruzi muri Airtel Rwanda, Indrajeet Singh

Sosiyete y’itumanaho ya Airtel Rwanda yazaniye abakiriye bayo inyongera idasanzwe ya 500% uko baguze ikarita yo guhamagara bakoresheje Airtel Money.

Iyi nyingera niyo ya mbere mu Rwanda aho nk’umuntu ukoresha ifatabuguzi rya Airtel Rwanda, aguze ikarita y’amafaranga 1000 akoresheje Airtel Money, ahita ahabwa inyongera ingana ‘ibihumbi 5000 yo guhamagaza imirongo ya Airtel.

Ubwo yatangizaga ku mugaragaro iyi nyongera idasanzwe, Umuyobozi ushinzwe ubucuruzi muri Airtel, Indrajeet Singh yagize ati “Twishimiye gutangiza iyi nyongera idasanzwe ku bakiliya bacu bose bafite ifatabuguzi rya Airtel, tunezezwa no gutanga serivise zidasanzwe ku bakiliya bacu kugira ngo tubashimishe mu rwego rwo kubafasha gukoresha itumanaho uko babyifuza.”

Ubusanzwe, mbere yo kuzana iyi nyongera ya 500% ku bagura ikarita yo guhamagara bakoresheje Airtel Money, hari hasanzweho inyongera ya 100% ku bakiliya ba Airtel igihe baguraga ikarita bakoresheje Airtel Money.

Iyi nyongera ihabwa uwaguze ikarita akoresheje Aitel Money izajya ikoreshwa mu guhamagara ku mirongo ya Airtel ikazajya irangira mu gicuku cy’umunsi ukurikira uwo wayiguriyeho.

Umuyobozi w’Ubucuruzi muri Airtel Indrajeet Singh yavuze ko iyi nyongera idasanzwe yahawe abakiliya ba Airtel mu rwego rwo kubashimira gukoresha ifatabuguzi rya Airtel Rwanda.

Ati “Inyongera ya 500% ni ikindi gihamya cy’uko Sosiyete y’itumanaho ya Airtel yiyemeje gufasha, gushimisha no kunezeza abakiliya bayo, ibaha impano zidasanzwe zuje udushya.”

Ibyo wamenya kuri Bharti Airtel

Bharti Airtel n’ikigo mpuzamahanga mu itumanaho gikorera mu bihugu 20 byo ku mugabane wa Asiya no muri Afurika, kikaba gifite ikicaro gikuru mu mugi wa New Dheli mu Buhinde .Iki kigo kiri mu bigo 3 bya mbere bikwirakwiza serivisi z’itumanaho rigendanwa ku isi yose.

Mu Buhinde iyi sosiyete itanga serivizi zirimo murandasi yihuta cyane 2G,3G na 4G hakoreshejwe telefoni ngendanwa cyo kimwe no mu bindi bice byo ku isi. Mu mpera za Nyakanga Bharti Airtel yari ifite abafatabuguzi iha serivisi basaga miliyoni 333.

Ushaka kugira byinshi umenya kuri iyi sosiyete wayisura kuri uru rubuga,www.airtel.com;www.facebook.com/airtelrwanda and www.twitter.com/airtelrw.

Yisangize Inshuti.

Ibitekerezo

Tanga Igitekerezo