Ibitaro bikuru bya Apollo kubufatanye na Airtel bagiye korohereza abivuriza mu Buhinde

1

Ibitaro bya Apollo mu Buhinde bifatanyije n’ikigo k’itumanaho cya Airtel basinyanye amasezerano y’ubufatanye mu guteza imbere ubuvuzi muri Afurika.

Aya masezerano yibanda kukorohereza abivuza kubona abaganga b’ibi bitaro, yasinywe na Sangita Reddy, umuyobozi w’ibi bitaro na Raghunath Mandava ushinzwe ibikorwa bya Airtel muri Africa.

Ibi bizafasha abakiriya ba Airtel bari muri Afurika guhabwa inama zijyanye n’ubuvuzi ku gihe.

Airtel izagabanyiriza kandi inorohereze abakiriya bayo bazajya bivuza hakoreshejwe Airtel money cyangwa se ikarita. Abarwayi benshi bo muri Afurika bivuriza mu gihugu cy’ubuhinde, ibi akaba aribyo byatumye ibi bitaro byegera abarwayi bafataga umwanya wabo bajya mu buhinde nyamara bashobora guhabwa izi serivisi z’ubuvuzi bari muri Afurika.

Abandi nabo bafataga igihe kirekire bategereje kwivuza nyamara batizeye gukira ibi nibyo Apollo ifatanyije na Airtel Afurika yazaniye abakiriya bayo bo muri Afurika aho bazajya bahabwa serivisi z’ubuvuzi ku kurwego rw’isi biboroheye.

Ibitaro bya Apollo na Airtel Afurika bagiye gushyira hanze serivisi yitwa “Ask Apollo” ikazaba ari serivisi izajya itangwa n’itsinda ry’abavuzi ba Apollo, izanakora kandi nk’urubuga ruzifashishwa n’abarwayi guhura n’inzobere z’ibi bitaro ahari ho hose ku isi.

Ubu buryo kandi buzorohereza abarwayi kuvugana n’abaganga amaso ku maso binyuze mu biganiro by’amashusho cyangwa bakoherezanya ubutumwa kuri Email kimwe no kohererezanya amajwi bitabagoye kandi umurwayi ashobora kohereza amafoto (scans) aturutse ku bindi bitaro akaba yasuzumwa n’abaganga bibi bitaro bagahabwa ubufasha mu gihe gito.

Ibi bitaro bizwi muri Asia ndetse no ku isi, bifite ibitaro 64, farumasi 2,200, ibigo nderabuzima 100, serivisi z’ubwishingizi, ivuriro rikorerwamo ubushakashatsi ndetse n’ibigo 15 byigisha ibijyanye n’ubuvuzi.

Ibi bitaro bimaze imyaka 15 bikorana n’Afurika aho buri mwaka ibihumbi by’abantu bajya kwivuzayo indwara z’impyiko, cancer n’izindi. Ibi bitaro kandi byagiye bivura indwara zigakira kimwe no guhugura abaganga bo muri Kenya kuri ubu bikaba byaje gutanga umusanzu muri Afurika bifatanyije na Airtel mu korohereza abivuza.

Ibijyanye na Bharti Airtel

Bharti Airtel n’ikigo mpuzamahanga mu itumanaho gikorera mu bihugu 20 byo ku mugabane wa Asiya no muri Afurika, kikaba gifite ikicaro gikuru mu mugi wa New Dheli mu Buhinde .Iki kigo kiri mu bigo 3 bya mbere bikwirakwiza serivisi z’itumanaho rigendanwa ku isi yose.

Mu Buhinde iyi sosiyete itanga serivizi zirimo murandasi yihuta cyane 2G,3G na 4G hakoreshejwe telefoni ngendanwa cyo kimwe no mu bindi bice byo ku isi. Mu mpera za Nyakanga Bharti Airtel yari ifite abafatabuguzi iha serivisi basaga miliyoni 333.

Ushaka kugira byinshi umenya kuri iyi sosiyete wayisura kuri uru rubuga,www.airtel.com;www.facebook.com/airtelrwanda and www.twitter.com/airtelrw.

Yisangize Inshuti.

Ibitekerezo 1

  1. Babanze batumare impungenge ko bstazakuramo rwihishwa abanyarwanda ingingo zimwe na zimwe zumubiri

Tanga Igitekerezo